Habakuku 3:11 - ALLALA KUMƐ

¹¹ Ila banda-nyin-masɔgɛ-mɛnsan tenbi tiila a ma, ado anu bi malan-malanna, wo kɔma, tele anubɛ karɛ tora sɔni anu gbɛ rɔ.

Habakuku 3:11 ပူးပေါင်းရင်းမြစ်များ

Yaburi 19:4

Hali anu bi kilayɛ min nakela, wo si ke duninya-tonke bɛɛ rɔ. Alla ya kan tinɛ do ladan tele ye san-kole ma.

Aiseya 28:21

Mari ko a si kɛlɛ kɛ iko a ya kɛlɛ kɛ Pɛrasim kɔnkɛ ma Kibiyon lɛɛ rɔ nya min alako ata miriyɛ ni ma, hali hadama-den ma wo nya-yen. Hali ata wɔli-nya makawara nya-wo-nya, a si a ma tun!

Aiseya 38:8

Mansa Ehasi ya wati-lɔn-fan min nadan kɔrɔma la, ninɛ wo ma si sɛgi a kɔma wo ma ha kin fa tan nyɔgɔn.” Ninɛ wo masɛgira a kɔma ha kin fa tan nyɔgɔn.

Aiseya 49:2

A ya nna kumɛnu dɛ lasa iko faan. A ya n yamasansan a kɔɛn la. A ya n ma iko kalabɛn-nasulennɛ. A ya n namara iko kalabɛn tenbi a sa-bɔrɛ rɔ.

Nehami 3:3

Wo ni wo yɛ lata so-laburilɛnu ma. Anu bi anuna soeenu naburila wɛ kɛ. I ma a yen? Anuna faannu anubɛ anuna tanbɛnu silɛ ye tiila anu ma. Mɔgɔ ti ban furi minnu dan lɔnna, i ma anu siyamɛnu nadɛnnɛ yen tala anu nyɔgɔn kuma? Mɔgɛnu bi belenna anu kian natugula furi wonu na.

Habakuku 3:9

I ya banda-nyin-masɔgɛ rabɛn i yogenu bon-koe la. Ila yinu bara dugi rafara warr!

Sakaraya 9:14

Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.