Habakuku 2:8 - ALLALA KUMƐ

⁸ Wo ara mɔgɔ-siyaman bolo-fan bi anu bolo. Kɔnɔ minnu tora anu niyi la, wonu fanan si anu tayili sara wo la. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Habakuku 2:8 ပူးပေါင်းရင်းမြစ်များ

Yaburi 137:8

Ile Babilɔn, ita gbalo ye nala. Mɔgɔ-sewanɛ le wo tigi la min bi ma tayili sarala ile Babilɔn na

Hɛnkilimaya-Kumɛnu 22:23

Mari le si anuna kɛlɛ kɛ anu ye ka wo niyi ragbɛrɛn.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 33:4

Wo si wo yogenu bolo-fannu toronde anu na iko tunbinu bi binyɛnu banna nya min.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 30:16

Kɔnɔ kaka, sibole min bi wo kasara-tinɛ nun, wonu si kasara. Wo yoge bɛɛ si ta biralɛ rɔ. Wo niyi-ragbɛrɛnnɛ bɛɛ niyi ra si gbɛrɛn anu ma. Minnu bi wo bolo-fannu bila wo kɔma, wonu fanantɛ si bi.

Yɛrɛmaya 50:14

Mari ko, “Wole kalabɛn-nakɛlɛnu, wo ni mini Babilɔn ma a kɛlɛ-tinɛ. Wo ni wola kalabɛn damasi lakɛ Babilɔn ma bawo a ara hakɛ kɛ nde, Mari la.

Yɛrɛmaya 50:28

(Mɔgɛnu buri-kɛ-kan ye bɔla Babilɔn ka na Yerusalɛm. Anu bi ma Mari Alla tayili-sara-nya rakaranna ka a tɛgɛ a Bato-Bɔn tinya-nya ma Babilɔn kɛnu bolo.)

Yɛrɛmaya 50:37

Anuna kirindinu anubɛ anuna soeenu ni kasara. Anuna kɛlɛ-den-masannɛnu ni faga, ado anu tafaganɛ kuluba! Anuna fen-kolomɛnu ni tinya ka toronde anu na fɔrɔsɛ la.

Yɛrɛmaya 51:13

Hali bɛ rakanɛ nyamanɛ wo rɔ, dugu-kɔrɔ-nɔnfuli siya a rɔ, Mari ko nyamanɛ wo lato-wati ara ke.

Yɛrɛmaya 51:24

Mari ko ata mɔgɛnu si a yen, a ye a tayili sarala Babilɔn kɛnu na ka a tɛgɛ anu ya min sigi ata mɔgɛnu ma Yerusalɛm soe burɔ.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Yɛrɛmaya 51:48

Kantɔ-mɔgɛnu ba na Babilɔn nyamanɛ tii dugi la tumɛ min, fan min bɛɛsi ye san anubɛ dugi ma, wo bɛɛ si yerelen tɛgɛ sewɛ bolo.

Yɛrɛmaya 51:8

Tiriyante wo rɔ, Babilɔn soe si na bui ka tinya pɔ! Bɛɛ ni di ka a tɛgɛ bui-koe wo ma. Anu ni a tɛlɛnu makiri. Tumado a si kɛndɛya.

Isikiyɛli 28:16

A nyagbanɛ fen-mayirɛ anubɛ fen-san la nun kɔnɔ wo le ya a ma, a donta karagbɛlɛyɛ anubɛ hakɛ kɛ rɔ. Wo le ya a ma, n ya a gben nta kɔnkɔ-sɛnimɛ kuma ka a lamiliya. Melika min bi a makandanna, wo ya a gben kuru-da-gbɛlɛ malan-malannɛ wonu tɛma.

Isikiyɛli 39:10

Anuna ko ti taran sɔgɔ-nyini-ko rɔ tun ka a tɛgɛ kɛlɛ-miran-nadɛnnɛ wonu ma. Minnu nara wo bolo-fannu bi tinɛ wo bolo, wole fanan si wonu bolo-fannu bi anu bolo. Nde, wo Tigi Mari kan le kɛ la.”

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Hɔbadaya 1:15

Sibolenu kiti-sa-koe ara gbɛrɛn ale Mari bolo. Wole Idɔm mɔgɛnu bara min ma, a ko anu si na wo nyɔgɔn sigi wole fanan na, yɔ! Wo ya min nyɔgɔn ma, a ko a ye wo le nyɔgɔn mala wo la.

Habakuku 2:10

Wola kɛwuyɛ ara a ma, wola denbayɛnu bara miliya. Wo ara sibolo-siyaman kasara min kɛ, wo ara a ma, wo ara halakiyi lana wo nyɛrɛ kuma.

Habakuku 2:17

Gbɔngbɔn minnu bi Lɛbanan nyamanɛ rɔ, wo ara wonu manunku yerekule! Wole fanan ma ye nunkula wo nya na le yerekule! Soge minnu bi nyɔ rɔ nun, wo ara wonu ban fegba! Kɔnɔ sogenu si wole fanan kumakɔ. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Sakaraya 14:12

Sibolo-wo-sibolo ya Yerusalɛm soe kɛlɛ a kɔrɔmɛ la, Mari si kiraya-fitinɛ lana wonu kuma. Anu kɛndɛ si to, anu bi tuluna. Anu yɛ si tuli anu ya-denkɛ rɔ. Anu nagan si tuli anu dɛ rɔ.

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”