Habakuku 2:7 - ALLALA KUMƐ

⁷ Kɔnɔ a ti mɛ tun, wole minnu bara mɔgɛ doinu bira kɛlɛ rɔ nun, wole fanan si bɔnɛ sɔrɔn. Wo yogenu ba na wo bolo-fannu bi-tinɛ wo bolo tumɛ min, wo si yɛrɛyɛrɛn kilan bolo.

Habakuku 2:7 ပူးပေါင်းရင်းမြစ်များ

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Makawandili Kumɛnu 10:8

Mɔgɛ si bui ala denka-sinnɛ le tɔ. Ni mɔgɛ ya tarɛ kɔrɔbɔ, duguma-fan le ye a kin na.

Aiseya 11:13

Isirɛla mɔgɛnu ti Yuda mɔgɛnu makeliya tun, ado Isirɛla yoge ti ma Yuda la tun.

Aiseya 41:25

“Nde, Mari ara mɔgɛ do tɔnbɔn tele-bɔɛ wara la. A si wo kɛlɛ dabira kantɔ-wara la. Wo wa na, a si kun-tiginu tatɛntɛn iko bore. A si wonu tatugutugu iko bɔnku-daga-sɔlɛ si bɔnkɛ ramaga nya min.

Aiseya 46:11

A ko a ye kei do kelela tele-bɔɛ min si yigi wo kuma iko tanbakɔrɔmanɛ. A ko ale Mari ara minnu miriya nun, kei wo le ye anu natɔnbagayala. Ale Mari ko a ara ban a fɔla, ado a ye wo nya na le gbɛn!

Aiseya 47:11

Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 51:57

A kun-tigi wo, a hɛnkilima wo, a mɔgɔ-ba wo, a kɛlɛ den wo, a si wo bɛɛ lamin. Anu ba kinɔgɔ, anu ti kunden tun! Mansɛ min tɔgɛ Mari Sɛnbɛ-Bɛɛ-Tigi, wo kan le kɛ la.

Yɛrɛmaya 8:17

Mari ko wo ma a yen? A ye wo yogenu nanala wo kan ma iko duguma-fen-yogomɛnu. Fenfen ti wonu porokɔlɔ wo ma. Fɔ wonu ba wo kin de serr! Mari ara ban wo latɛgɛla.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.