Habakuku 2:5 - ALLALA KUMƐ

⁵ Wola nɔnfuli siyamɛ si wo baya. Minnu kɔrɔndi, wonu wasinɛ, ado anu yisi ti sa. Anu mani de iko sayɛ bawo wo ti wasa. Woletɔ anu bi tala buila sibole doinu ma ka anuna nyamanɛnu sa anutɛ kuma.

Habakuku 2:5 ပူးပေါင်းရင်းမြစ်များ

2 Mansɛnu 14:10

Ile Hamasa ara Idɔm kɛnu nɔ min kɛ, woletɔ i wara wasi. I tɔgɛ wo min bara bɔ, wo ni i wasa. I ni a dan wo ma. I ni to ila bɔn la. A sɔgɛ ye i la, i ni nanparan sanba wobɛ ila mɔgɛnu ma, wa?”

Yaburi 138:6

Hali i ye san ma pon, mɔgɔ-famayiginɛnuna hinɛ ye i rɔ. Wasintenu ti ke anu dogonna i ma.

Hɛnkilimaya-Kumɛnu 20:1

Baan-minyɛ si mɔgɛ ma yuwɛ anubɛ sɔnkɔtoe la. Min bi a nyɛrɛ donna wo ko-sufa rɔ, hɛnkilima ma wo tigi la.

Hɛnkilimaya-Kumɛnu 21:24

Ni i ya mɔgɔ-wo-mɔgɔ yen mɔgɔ mayɛlɛnna, wasinte anubɛ sɔnkɔtoe le wo tigi la, ado nyɛrɛ-kɔrɔbiyi di a ye.

Hɛnkilimaya-Kumɛnu 27:20

Ni kanbɛ si wasa, mani hadama-dan si wasa.

Makawandili Kumɛnu 5:10

Ni nɔnfuli diyara mɔgɔ-wo-mɔgɔ ye bɛrɛkɛ, nɔnfuli ti wo wasa mumɛ! Nɔnfulu-tigiyɛ diyara mɔgɛ min ye wɛ kɛ, hali wo ya nɔnfuli sɔrɔn duk, wo ti a wasa. Kɛ bɛrɛn tagbɛlɛ.

Aiseya 16:6

Yuda kɛnu ko, “Ma ya a lamɔɛn ko Mohabu kɛnu wasira dɔgɔma-ma-de! Hali anu wasinɛ ka a dan-natenbi kɔnɔ anu kɔgɔ-raka-koe, fufafu le wo la.”

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 21:5

N ya min yen ko-rayirɛ wo rɔ, ladiya-wati ara ke. Gbolo-rafulennɛ ye sala fen-dɔnnɛnu ye. Bɛɛ ye fen-dɔn kun na. Tiriyante wo rɔ, kuman-kan bɔra ko, “Kɛlɛ-dannu, bɛɛ ni ala kɛlɛ-miran bi!”

Aiseya 5:14

Anu sɔgɛ ye lakira la kaka! A ye a dɛ sala-a-ma fagba, alako a ni anu nakunu. A ye Yerusalɛm mɔgɔ-banu makununa anubɛ a mɔgɛ toe sɔnkɔtoenu.

Aiseya 5:8

Gbalo ye wo ma bawo wo ye wola wɔli-kɛ-tinɛnu anubɛ wola bɔnnu makofula. A ti mɛ tun dugi ti taran mɔgɔ-gbɛrɛkɛ ye yan, fɔ wo kelen pe min bi tola nyamanɛ kɛ rɔ.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 50:29

A ko kalabɛn-nakɛlɛnu ni Babilɔn kɛlɛ. Minnu kusan kalabɛnnu nakɛla, anu dama ni ta. Anu ni anu mini anuna so-karantan ma alako mɔgɔ-den-kelen-kunyɛ kana bɔ a rɔ. Anu ni anuna karagbɛlɛyɛ yili sara anu na. Anu ni Babilɔn bira boloko-yogomɛ-kɛ iko anu bara doinu bira nya min, ado Babilɔn taranta anu nyɛrɛ kɔrɔbila ale Isirɛlata Alla-Sɛnimɛ kan ma.

Yɛrɛmaya 51:39

Babilɔn kɛnu kɔnkɔtoe min kɛ, Mari ko a si anu de-nyini. Anu ni fa pen! Anu kun ta si fin baan la. Wo kɔma, anu si anu sa kinɔgɔ rɔ. Anu ti kunden tun!

Habakuku 1:15

Babilɔn kɛnu bi mɔgɛnu birala lunyɛnu na iko lun-nakɛlɛ si yɛgɛ bira nya min. Anu bi mɔgɛnu birala yalɛnu na ka sewa mɔgɔ-biranɛ wonuna ko la iko yungbun-kɛlɛ si sewa yɛgɛ biranɛnuna ko la nya min.

Habakuku 1:17

Anu si to anuna yalɛnu takolonyala ka to mɔgɛnu fagala tolon, kinikini sa anu tɔ, wa?

Habakuku 2:4

Kilayɛ wo le kɛ la. ‘Karagbɛlɛ wonu ti to anu niyi la kɔnɔ mɔgɔ-latelennɛnu si to anu niyi la bawo anu telennɛ nde, Alla sako-kɛ-tinɛ.’ ”

1 Tɛsalonaika 4:11

Wo ni wo raya alako yisi-kimɛ ni to wo tɛma. Wo ni wo nyɛrɛta wɔlɛ kɛ ka wo nyɛrɛ beli-fan sɔrɔn iko ma ya a fɔ wo ye nya min nun.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”