Habakuku 2:2 - ALLALA KUMƐ

² Mari le ya yabilɛ kɛnu fɔ n ye. A ko, “N bi nala ko-rayirɛ min kɛla i ye, i ni wo sɛbɛ walan ma alako ko-mayonnɛ si ke a karanna nya min ka a mayon.

Habakuku 2:2 ပူးပေါင်းရင်းမြစ်များ

Aiseya 30:8

Bawo mɔgɛnu sɔn yogo, Alla ko nde, Aiseya ni anu sɔn-yogomɛ wonu sɛbɛ alako wo la ni mara habadan!

Aiseya 8:1

Mari ya a fɔ nde, Aiseya ye tun ko n ni walan-belebele do bi ka sɛbɛli gbode-gbode do kɛ a ma. A ko n ni a sɛbɛ ko, “Kankan anubɛ bumalɛ si na tiriya!”

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Daniyɛli 7:1

Bɛlisasata mansayɛ san fɔlɔtɛ Babilɔn nyamanɛ rɔ, Daniyɛli kiyora. Ko-rayirɛ minnu kera a ye kiyo wo rɔ wulɔn suyi rɔ, a ya wonu sɛbɛ.

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

1 Kɔrɛnti 14:19

Kɔnɔ n tenbi Alla batola chɔchi la, yanni n ni kuma waga-yirika-siyaman fɔ kan-gbɛrɛ rɔ, a fisa, n ni kuma loli pe fɔ mɔgɛnu si min nya-yen ka donu karan wo la.

2 Kɔrɛnti 3:12

Ma yisi latɛgɛnɛ bawo yigi kɛ ye ma bolo.

Tɔn-Fɔɛ-Fila-Nyɔgɛ 27:8

Wo si tɔn kɛnu sɛbɛ a kin na kuru-manunkunɛ kɛnu kuma.”

Tɔn-Fɔɛ-Fila-Nyɔgɛ 31:19

Mari ya a fɔ Musa ye tun ko, “I ni bɛti kɛ sɛbɛ. I ni Isirɛla mɔgɛnu karan a la woletɔ a si ma sereyɛ la anu kan ma.

Tɔn-Fɔɛ-Fila-Nyɔgɛ 31:22

Wo tele nyɛrɛ rɔ, Musa ya bɛti kɛ sɛbɛ ka Isirɛla mɔgɛnu karan a la.

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”

Lankɛnimayɛ 19:9

Wo kɔma, melika ya a fɔ n ye ko, “Kɛ sɛbɛ. Mɔgɔ-sewanɛ le wonu na minnu kelenɛ saga-danta kɔnyɔ-masɔ-ladiyɛ wo rɔ.” Nba, melika ya a fɔ tun ko, “Allala-tonya-kumɛ le kɛnu na.”