Habakuku 2:19 - ALLALA KUMƐ

¹⁹ Wole karagbɛlɛnu, wo si wota nondɔn sɔrɔn de serr! Wo ye a fɔla kɔlɔma-kundi ye ko, “Kunden!” Wo ye a fɔla kuru-kundi ye ko, “I lasɔ!” Bɛsɛ kɛnu si a ma, wo ni ko-rayen kɛ, wa? Hali bɛsɛ wo makirinɛ sɛnɛ anubɛ wodi-gbɛ la kɔnɔ a niyi sa a rɔ.

Habakuku 2:19 ပူးပေါင်းရင်းမြစ်များ

Yaburi 135:15

Sibole doinuta bɛsɛnu nadannɛ sɛnɛ anubɛ wodi-gbɛnu na. Wonu nadanta hadama-den-bole le la.

Yaburi 135:17

Tole ye anu bolo kɔnɔ anu ti ko lamɔɛn. Anu ti ke anu niyi lafɛla.

Yaburi 97:7

Min bɛɛ ye bɛsɛnu kɔla, wonu si miliya. Mɔgɛnu bi fan min bɛɛsi kɔla, wonu si anu madu Mari kɔrɔ.

Aiseya 26:14

Kɔnɔ ma ye minnu kɔrɔ nun, wonu bara faga. Wonu ti beli tun. Hali anu pulan ti bɔ bawo i wara ban anu kasarala nun. Mɔgɔ-wo-mɔgɔ miri sa anu ma tun.

Aiseya 40:19

A mani ma iko boloma-wɔli-kɛlɛnu bi bɛsɛ min lɛsɛla anuta allayɛ la hali anu ya sɛnɛ latugu a ma ka a makiri wodi-gbɛnu yɔlɔkɛnu na.

Aiseya 41:26

Yon si ke kɛ labɔla a kunyɛ rɔ ko kɛ ye mala le yarɔ? Ni wo si ke kɛ mala le nun, ma si wo yo sa nun. Kɔnɔ wo do-wo-do ma ke kɛ fenfen fɔla ma ye. Ma ma ke fenfen namɔɛnna wo la.

Aiseya 44:17

Kɔnɔ a si kɔlɔma wo toe ma bɛsɛ la. A si a nyɛnkin wo kɔrɔ ka a kɔ. A si a fɔ wo ye ko, “Nta alla le ile la, i yandi, n nakisi.”

Aiseya 46:6

Mɔgɛnu si anuna wodi-bɔrɛnu dɛ laka ka sɛnɛ rawuya. Anu bi wodi-gbɛnu sumanna ka anu gbiliyɛ dan lɔn. Anu bi siyaki sarala alako wo ni anuta bɛsɛ ladan anu ye. Wo kɔma, anu bi anu nyɛnkinna bɛsɛ wo kɔrɔ ka a kɔ.

Aiseya 57:6

Wo ye kuru-manunkunɛnu kɔla. Wo ye minni-sarakɛnu nabonna kuri wonu ma ka dɔn-fen-kun-fɔlɛ-sarakɛnu di anu ma. Wo ni wo miri ko kɛnu wara-ko si a ma, Mari ni wo makoto, wa?

Yɛrɛmaya 10:14

Hɛnkili sa bɛsi-ladannɛ do-wo-do la. Siyakinu bara miliya anuna bɛsɛ wonu na, anu denu ya minnu nadan, kɔni. Anuna bɛsi-fuyi wonu niyi sa anu tɔ.

Yɛrɛmaya 10:3

Fufafuyi le sibolo-gbɛrɛnuna namunyɛnu na. Anuna bɛsɛnu bɛnni ma fenfen ma fɔ gbɔngbɔn-kɔnnu, ado boloma-wɔli-kɛlɛnu bi wonu denu lɛsɛla tun.

Yɛrɛmaya 10:4

Anu bi sɛnɛ anubɛ wodi-gbɛnu mala bɛsɛ wonu makiri-fan la. Anu bi kundunɛ anubɛ lɔntumɛnu bila ka bɛsɛ wonu balan anu sɔ-tinɛnu tɔ. Wo si a ma, bɛsɛ wonu ti bui.

Yɛrɛmaya 10:9

Wodi-gbɛ min bɔra Tasisi soe burɔ, wo sanɛ anuna bɛsɛnu ma. Sɛnɛ-hakikɛ min bɔra Yufasi soe burɔ, wo sanɛ anuna bɛsɛnu ma. Siyakinu anubɛ nunakɛnu denu dɔrɔn bolo-gbɛ ye wonu ma. Anu bi fani-bilolamɛ anubɛ fani-finyɛnu mala bɛsɛ wonu makiri-fannu na. Yese-danna-kɛwuntenu denu bi wonu nadanna.

Yɛrɛmaya 2:27

Wo kɛnɛna a fɔla wola kɔlɔma-malɛsɛnɛnu ma ko wo fa le wonu na. Wo kɛnɛna a fɔla wola kuru-malɛsɛnɛnu ma ko wonu denu ya wo sɔrɔn. Mari ko wo ara wo yɛ bɔ a la. Wo ara wo kan-kɔ sɔ a la. Kɔnɔ nanparan wa na wo ma, wo ye dila Mari dala wo kisi-koe la.

Yɛrɛmaya 2:28

A ko wole Isirɛla mɔgɛnu, wo ya bɛsɛ minnu nadan wo nyɛrɛ ye, wonu bi mintɔ gbɛ? Nba, ni wola bɛsɛnu si nanparan nɔ, wonu ni na wo kunyɛ bɔ a rɔ. Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye a rɔ.

Yɛrɛmaya 51:17

Hɛnkili sa bɛsi-ladannɛ do-wo-do la. Siyakinu bara miliya anuna bɛsɛ wonu na, anu denu ya minnu nadan, kɔni. Anuna bɛsi-fuyi wonu niyi sa anu tɔ.

Yɛrɛmaya 51:47

Mari ko wati ye nala, a si maga Babilɔn kɛnuna bɛsɛnu na. Nyamanɛ wo bɛɛ si to yarabiyi kɔrɔ, ado mɔgɛ bɛɛ si faga nyɔ rɔ tɛrr!

Daniyɛli 3:1

Lunyɛ do, Mansa Nɛbukanasa ya sɛnɛ do ladan ka wo ma ata bɛsɛ la. Ala yanyɛ, nunkan-nya bi-wɔrɔ. A kɔnɛ, nunkan-nya wɔrɔ. Lɛɛ min tɔgɛ Dura, Babilɔn nyamanɛ rɔ, a tara bɛsɛ wo sigi nyɔ.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Daniyɛli 3:7

Tolonnɛ wonu ya a kɛ-a-rɔ tumɛ min, sibole min bɛɛsi ye nyɔ rɔ, wonu ya anu madu mansɛla bɛsɛ wo kɔrɔ ka a matɔgɔ.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Daniyɛli 5:4

ka anuna bɛsɛnu kɔ. Bɛsɛ wonu nadannɛ sɛnɛ la anubɛ wodi-gbɛ, anubɛ silɛɛ, anubɛ nɛgɛ, anubɛ kɔlɔma, anubɛ kuri.

Yona 1:5

Kulun-tawɔli-kɛlɛ wonu kilanta dɔgɔma-ma-de! Bɛɛ donta ata bɛsi-madiyɛ rɔ. Anu donta dunɛnu nabuiyi rɔ kɔgɔ-yi rɔ alako kulɔn ni fɛya. Anu bi kɛ dama rɔ tumɛ min, wo ya a taran, Yona ye kinɔgɔla kulɔn wo kan tinɛ do rɔ a dan na.

Kɛwɔlɛnu 17:29

Nba, ni ala dannu le male la, ma kana ma miri ko Allayɛ manɛ iko sɛnɛ anubɛ wodi-gbɛ, ni wo ma, kuri min lɛsɛnɛ mɔgɛnuna halliyɛ anubɛ hɛnkili la.

Lankɛnimayɛ 17:4

Musi wo fɛrɛya bɔnɛ kura-bilolamɛ anubɛ a wulenmɛ la. A makirinɛ sɛnɛ anubɛ kuru-da-gbɛlɛ anubɛ kɔnɔ-kolo-da-gbɛlɛ-gbɛmɛ la. Sɛnɛ-yi-lafɛ ye a bolo tɔ. Wo lafanɛ ko-latinyanɛnu anubɛ ala yɛlɛnya-ko-haramunɛnu na.