Habakuku 2:15 - ALLALA KUMƐ

¹⁵ Wole karagbɛlɛnu, wo si wota nondɔn sɔrɔn de serr! Wo ara wo dan-masa-nyɔgɛnu fɔrɔsɛ ka tɔrɔyɛ do min iko baan. Anu kun ta wa ban finna, wo si to anu nakolɔn mayɛlɛnna.

Habakuku 2:15 ပူးပေါင်းရင်းမြစ်များ

Ko-Dabirɛnu 9:22

Kenan fa Hama, wo le ya a fa Nowa lakolɔn yen. A tara wo fɔ a na-kelen-nyɔgɔn mɔgɔ filɛnu ye luyi ma.

2 Samuwɛli 11:13

Mansa Dawuda ya a kele fen dɔn tinɛ. Wo kɔma, wulɔn suyi nyɛrɛ rɔ, a ya a lamin kɔlikɔli! Kɔnɔ hali wo, Yuraya ma ta a warɛ bɔn la. A tara ki a gbɛ rɔ mansa-makandannɛnu bara nyandan rɔ.

Bɔ-Koe-Iyipiti 32:25

Musa ya a yen Aruna ma ala kun-tigiyɛ lawɔli a kin na, woletɔ Isirɛla mɔgɛnu bara murutiya ha anu bara ma yɛlɛnma-fan la anu yogenu yala.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 28:8

Anu siginɛ tebulu min na, wo yamatogonnɛ teseri bolo. Kan-tina-sɛninyani fenfen ma to!

Aiseya 5:22

Gbalo ye wole gbɛɛ-minna-wɛnu ma. Wo ye wo wasila baan-tabasanni-minyɛ la.

Yɛrɛmaya 25:15

Isirɛlata Mari Alla ya a fɔ nde, Yɛrɛmaya ye ko n ni yi-lafɛ bi a kɔɛn rɔ min nafanɛ ata fondo-bɔɛ la. A ko a ye n sɔla sibolo-gbɛrɛ minnu bara, n ni ta yi-lafɛ kɛ la wo bɛɛ warɛ. Anu ni anu min a la.

Yɛrɛmaya 51:7

A ko Babilɔn mani de Mari bolo iko sɛnɛ-yi-lafɛ min bi duninya bɛɛ laminna. Sibolo-wo-sibolo wa a min, wo kunyɛ si wuli.

Hoseya 7:5

Mansɛ wa wuli ladiyɛ kɛla tumɛ min, wo le si a ma, mansɛ anubɛ ala mɔgɔ-banu ni anu min kɔlikɔli!

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Habakuku 2:16

Wola gbiliyɛ si yɛlɛma miliyɛ la wo ye! Mɔgɛnu si wole fanan nakolɔn yen. Wola minni-fan si ma wola kun-nagboya-fan la Mari bolo.

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”