Habakuku 2:14 - ALLALA KUMƐ

¹⁴ Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Habakuku 2:14 ပူးပေါင်းရင်းမြစ်များ

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 33:6

A si a ma, Yerusalɛm ni sigi yiri! A si wole, ala mɔgɛnu kumafunfan. A si hɛnkili anubɛ ko-kɔrɔ-lɔn di wo ma. Min di wo ye wo dama ko, wo le Allata gbiliyɛ la.

Aiseya 40:5

Wo bɛɛ wa ka-a-la, Marita gbiliyɛ ni na to bɔla gbɛ rɔ, ado hadama-dan bɛɛ si kɛ rayen. Mari nyɛrɛ-nyɛrɛ le wara kɛ fɔ.”

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Isikiyɛli 47:5

A waga nani nyɔgɛ sumɛ a bolo, n kian ma ke nyɔ-kole la. Fɔ n ya n bɔn a ma le ka ba-matɛgɛlɛ kɛ.

Maika 2:9

Wo ye bɔnnu bila kɛɛ-musinu bolo kensunteyɛ la. A bɛnta, wonuna dannu ni minnu sɔrɔn Mari bolo, wo ara wonu bɔ kelennɛ wonu bolo wola kensunteyɛ la feu!

Habakuku 2:15

Wole karagbɛlɛnu, wo si wota nondɔn sɔrɔn de serr! Wo ara wo dan-masa-nyɔgɛnu fɔrɔsɛ ka tɔrɔyɛ do min iko baan. Anu kun ta wa ban finna, wo si to anu nakolɔn mayɛlɛnna.

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.

Sɛfanaya 3:9

Kɛ dama wa ka-a-la tumɛ min, Mari ko a si sibole bɛɛ yɛlɛma ka anu fara anuna bɛsi-kɔ-koe la. A ko mɔgɛ bɛɛ si ale kelen pe bato ka ata kumɛ bira.

Yilan-Yilan Koe 14:21

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min,

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”