Habakuku 2:12 - ALLALA KUMƐ

¹² Wole karagbɛlɛnu, wo si wota nondɔn sɔrɔn de serr! Wo ara tɔn-tinyɛ ma so-datɛgɛ-fan la ka mɔgɔ-fagɛ ma a tarɛ la.

Habakuku 2:12 ပူးပေါင်းရင်းမြစ်များ

1 Mansɛnu 16:34

Mansa Ehabu kɛ ye mansayɛ la tumɛ min, Hiyɛli min bɔra Bɛtɛli soe burɔ, wo tara Yɛrikɔ soe sɔ a kurɛ la tun. Yɛrikɔ soe sɔɛ dabirɛ, ale Hiyɛlila den-kei-sarɛ, Abairam, tɛgɛra a ma. A ya tarɛ-don-dɛ sɔ min kɛ, ala den-kei laban, Segubu, fanan tɛgɛra a ma. Wo bɛɛ mara iko Mari ya a fɔ Nunna den Yasowa ye nya min nun.

Isikiyɛli 24:9

“Nde, wo Tigi Mari ko mɔgɔ-fagalɛnuta soe dankani de! Nde nyɛrɛ si a mintan-sɔgɛ ladɛn.

Maika 3:10

Wo ye mɔgɔ-fagɛ anubɛ telenbɛlitayɛ mala Yerusalɛm soe bon-kurun-fan la, ado Allata so-sɛnimɛ le Yerusalɛm wo la.

Nehami 3:1

Wole Ninɛfa kɛnu, foninya-fɔlɛnu anubɛ niyi-bɔlɛnu bi wola soe min tɔ, soe wo si kasara pɔ! Wola soe wo lafanɛ mɔgɛnuna fen-kolomɛ minnu na, wo yogenu si na wonu bi wo bolo ka ta wonu na pon!

Habakuku 2:6

Mɔgɔ-biranɛ wonu si anu biralɛ wonu mayɛlɛn. Anu si a fɔ ko, “Wo halala ma minnu na, wo si wonu bi kɔnɔ wo ye nala wota nondɔn sɔrɔnna le. Wo si wo fara mɔgɛnu bɔnɔna kɛwuyɛ la tumɛ nyamintan?”

2 Kɔrɛnti 1:21

Wo ni wo yili to kɛ ko. Alla nyɛrɛ ara malebɛ wole sɔ Kirasiti rɔ gben! Alla nyɛrɛ le ya ma ma ata mɔgɔ yabɔnɛnu na.

Yasowa 6:26

Wo wati rɔ, Yasowa ya tɔn gbɛlɛya mɔgɛnu ye ko, “Mɔgɔ-wo-mɔgɔ wa soe kɛ sɔ a kurɛ la tun, wo tigi si to Marita dankɛ kɔrɔ. Mɔgɛ min ba soe kɛ tarɛ sɔɛ dabira, wo si foo ala den-kei fɔlɔtɛ la. Min ba tarɛ dɛ kɛ ladan, wola den laban si faga.”

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!