Habakuku 2:10 - ALLALA KUMƐ

¹⁰ Wola kɛwuyɛ ara a ma, wola denbayɛnu bara miliya. Wo ara sibolo-siyaman kasara min kɛ, wo ara a ma, wo ara halakiyi lana wo nyɛrɛ kuma.

Habakuku 2:10 ပူးပေါင်းရင်းမြစ်များ

1 Mansɛnu 2:23

Wo le ya a ma, Mansa Silamɛni ya a keli Mari Alla rɔ ko, “Ni n ma Adonaya faga nyinikalɛ kɛla ko la, alamɛ Mari ya n gbesi a rɔ.

2 Mansɛnu 10:7

Anu ya Mansa Yehula kɛdi rakaran tumɛ min, anu ya Mansa Ehabu kegeya bi-wɔrɔnfilɛ wonu kunyɛ tɛgɛ a la. Anu ya wonu sa sendenu tɔ ka wonu nata Mansa Yehu ma Yɛsɛreli soe burɔ.

2 Mansɛnu 9:26

a ya a yen anu bara Nebɔti anubɛ ala dannu faga yan kunu. A ko fɔ a wa a tɔrɔ kan-tina-kelan kɛ rɔ yan. Woletɔ i ni ta Mansa Yɔram furi bi ka a labui Nebɔtila wɔli-kɛ-tinɛ kɛ rɔ alako ka Marita kumɛ latɔnbagaya.”

Hɛnkilimaya-Kumɛnu 1:18

Kɔnɔ mɔgɔ-yogomɛ kɛnu bi gbɛrɛ lasigila anu nyɛrɛ ye, anu ya sa a la, ado anu si faga anu nyɛrɛta gbɛrɛ-lasiginɛ la.

Hɛnkilimaya-Kumɛnu 20:2

Mansa-diminyanɛ si ma iko yarɛ tenbi bɔrɔndɔ-bɔrɔndɔla. Mɔgɛ min bi mansɛ ladiminyala, wo tigi ara a niyi fili a rɔ.

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Aiseya 33:11

Anu miriya bɛnnɛ min ma wo, anu bi min kun na wo, a ko fufafuyi le wonu na. A ko ata Sɛnbɛ mani de iko tɛ min bi anu halakila.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 26:19

Kɔnɔ Mansa Hɛsakaya anubɛ ala mɔgɛnu ma Nɛbi Maika faga wola ko la de, ado Mansa Hɛsakaya ya Mari gbiliya ka kuma-diyamɛnu fɔ ale Mari ye. Wo le ya a ma, Mari ya a miriya yɛlɛma Yerusalɛm kasara-koe ma. Nba, male nyɛrɛ-nyɛrɛ le ye kasarɛ lanala ma kuma gbɛ!”

Yɛrɛmaya 36:31

Ale mansɛ wo, a kegeyɛ wo, ala mɔgɔ-ba wo, Mari ko a si anu dama tɔrɔ tɛrr ka a tɛgɛ anu hakɛ ma. Ale mansɛ wo, a Yerusalɛm ka wo, anubɛ a Yuda kɛ toe wo, a ko anu do-wo-do ma anu tole masɔ ata kawandili-kan la. Woletɔ a ara kasarɛ min wara-koe fɔ tɛrr, a ye nala wo sigila anu ma.

Yɛrɛmaya 44:7

Woletɔ ale Mari Sɛnbɛ-Bɛɛ-Tigi Isirɛlata Alla ya wo manyinika ko nfenna wo ye karagbɛlɛya su kɛ sigila wo nyɛrɛ la? Kei wo, musu wo, denni wo, den-pulan wo, wo ye a fɛ ka wo dama kasara, hali mɔgɔ-den-kelen ti to a niyi la, wa?

Nehami 1:14

Mari ara ban kɛ latɛgɛla wole Asiriya kɛnuna ko la. A ko wo ti kegeya-wo-kegeya sɔrɔn minnu si to wo kɔmɛ lasabatila. A ko bɛsɛ minnu bi wola kɔ tinɛnu tɔ, a si wonu kasara pɔ! A ko a ye wole Asiriyanu kaburu-sinyɛ kun na kaka! Wo wunduyogo kati!

Habakuku 2:16

Wola gbiliyɛ si yɛlɛma miliyɛ la wo ye! Mɔgɛnu si wole fanan nakolɔn yen. Wola minni-fan si ma wola kun-nagboya-fan la Mari bolo.

Matiyu 27:25

Nyama bɛɛ ya a fɔ a ye tun ko, “A faga-ko-tɔrɛ ni to male anubɛ mala dannu kuma!”