Habakuku 2:1 - ALLALA KUMƐ

¹ N si yɛlɛ nta nyamanɛ kumafɛlɛn-kan-tina-layan-bɛ kuma ka Marita yabilɛ makɔni nyɔ. N si a makɔni alako n ni a lɔn a ye nala nna nyinikalɛnu yabila nya min.

Habakuku 2:1 ပူးပေါင်းရင်းမြစ်များ

2 Samuwɛli 18:24

Kɔnɔ wo ya a taran, Mansa Dawuda siginɛ so-tarɛ-don-dɛ fɔlɔtɛ anubɛ a fila nyɔgɔn tɛma. So-makandannɛ yɛlɛta tarɛ wo kuma ka a sɔ tarɛ wo don-dɛ kuma den! A ya a yɛ lata min kɛ, a ya kei do burimatoe yen nala, a kelan.

2 Mansɛnu 17:9

Isirɛla mɔgɛnu tora anuta Mari Alla tanama-ko-yogoma-siyaman mala. Anuna so-kunbɛnu wo, anuna so-mɛsɛnu wo, anu ya bɛsi-kɔ-tinɛnu sɔ nyɔnu tɔ.

2 Mansɛnu 9:17

Tara-makandannɛ min bi Yɛsɛreli soe tarɛ kuma, wo ya Mansa Yehu anubɛ a ta-nyɔgɛnu yen nala. Wo ya a kan nakɛ mɔgɛnu ma ko, “N bara mɔgɛ donu yen nala kɔɔ!” Mansa Yɔram ya a fɔ ko, “Wo ni so-laburilɛ do lata ka anu mafɛlɛn ni ma yogenu denu, ka, ni ma nyinyɛnu denu.”

Yobu 31:35

Mɔgɔ ti sɔn a tole masɔla nna kumɛ la n bi minnu fɔla, wa? N bara min bɛɛsi fɔ kɛ la, a ye mabɛ Alla tɛma ni tonya ma. Alamɛ Alla Sɛnbɛ-Bɛɛ-Tigi ya nna madiyali-kan lamɔɛn. N kuma-nyɔgɛnu bi kumɛ minnu fɔla n kun tɔ, ni wo bɛɛ sɛbɛnɛ le nun, n ni wo yen n yɛ la,

Yobu 31:37

Ni kɛ dama mara le, n si n bara-koe bɛɛsi fɛsɛfɛsɛ Alla ye. N ti miliya tala Alla magbenna wo rɔ.

Yaburi 5:3

I ya n kan lamɔɛn sun-tele-tiyi ma. N bara n masigima-koenu fɔ i ye. N sigini de gbɛ ka anu yabilɛ makɔni.

Yaburi 85:8

N tole masɔnɛ alako n ni a lɔn ile Mari Alla ye nala min fɔla. I ya lanyiri kiri male ita mɔgɛnu ye ko ma si to yisi-kimɛ rɔ. Alako tun, ma kana ma lasɛgi mala kun-takolonya-koe wonu ma tun.

Yaburi 85:9

I rabɛnnɛ i gbiliyalɛnu kisi-koe rɔ yati, alako ita gbiliyɛ kana dasa mala nyamanɛ rɔ.

Aiseya 21:5

N ya min yen ko-rayirɛ wo rɔ, ladiya-wati ara ke. Gbolo-rafulennɛ ye sala fen-dɔnnɛnu ye. Bɛɛ ye fen-dɔn kun na. Tiriyante wo rɔ, kuman-kan bɔra ko, “Kɛlɛ-dannu, bɛɛ ni ala kɛlɛ-miran bi!”

Aiseya 21:6

Wo kɔma, Mari ya a fɔ n ye ko n ni ta kila-mafɛlɛnnɛ sigi. Ni wo ya ko-wo-ko rayen, a ni wo fɔ.

Aiseya 21:8

Wo kɔma, kila-mafɛlɛnnɛ ya a fɔ ko a sɔnɛ a gbɛ rɔ su-ni-tele.

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Yɛrɛmaya 6:17

Mari ko a ya wo kumafɛlɛnnɛnu yabɔ. Wo ni wo tole masɔ anuna kɛlɛ-buri-fɛ-kan la. Kɔnɔ wo ara wo tolenu gbere gben!

Isikiyɛli 3:17

“Ile hadama-dan, n bi i sigila Isirɛla mɔgɛnu kuma ka anu fɛ-bira. N ba min fɔ i ye, i ye anu makawandila wo le la.

Isikiyɛli 33:7

“Nba, ile hadama-dan, n bi i sigila Isirɛla mɔgɛnu kuma anu kandan-koe la. N ba min fɔ i ye, i ye anu makawandila wo le la.

Maika 7:7

“Hali wo, nde, Nɛbi Maika, n bi n kisilɛ Mari Alla makɔnɔna. Nta Mari Alla si a wɔlɔ matɔlɔ nta kumɛ kɛ la.”

2 Kɔrɛnti 13:3

N tenbi kumala, n si a yira wo la kuma tinɛ ko Kirasiti le kumala wo ye. Kirasiti wa a lagbɛlɛya wo kuma tumɛ min, wo si a yira ko a rafagani ma. A sɛnbɛ kolo wo tɛma.

Kalesiya 1:16

A ya a latɛgɛ ko a ni ala dan labɔ gbɛ rɔ n ye. A ko n ni ala kibara-nyima-kawandili bɔ wole sibolo-gbɛrɛnu ye, ado n ma ta mɔgɔ-wo-mɔgɔ wara alako n ni hɛnkili sɔrɔn.