Habakuku 1:9 - ALLALA KUMƐ

⁹ “Anuna kɛlɛ-dannu bi tala nyamanɛnu birala a la. Anu ba anu kun nabɔ kan min, bɛɛ si kilan. Anu ya minnu bira kɛlɛ rɔ, wonu siya iko ba-kɛnkɛn.

Habakuku 1:9 ပူးပေါင်းရင်းမြစ်များ

Ko-Dabirɛnu 41:49

Yusufu ya dɔn-fan minnu nadɛn san wɔrɔnfilɛ wonu kɔrɔ, a ma ke anu sumanna ala siyayɛ bolo.

2 Mansɛnu 12:17

Kɛ wati ya a taran, Siriya Mansa Hesiyɛli wulita Kati soe kan ma ka anu nɔ. Wo kɔma, a ya a kunyɛ tintan Yerusalɛm kɛlɛ-koe ma.

Yobu 29:18

N miri ko n si si-yan sɔrɔn ka faga nna bɔn la yisi-kimɛ rɔ.

Yaburi 139:18

Ni n si ke i miriya bɛɛ danna nun, a siya kɛnkɛn ko. N ba kinɔgɔ ka kunden, yaga, i ye n dafɛ.

Aiseya 27:8

Mari ma ala mɔgɛnu tɔrɔ wo nya na fɔ kɛlɛ tara anu na min kɛ. A tara anu na iko fɔn-gbɛlɛmɛ min bi bɔla tele-bɔɛ wara la wo ye tala fen-gbalɛ la nya min.

Yɛrɛmaya 15:8

Wole Yuda musu-siyaman si foo wola keinu na. A ko kɛɛ-nyaganɛ si siyaya ka tenbi ba-kɛnkɛn la. A ko a si kasarɛ lana tele-latelen-wati wole, Yuda kemini-mɛsɛnu kan ma. A ko kɛ si kilan anubɛ dumɛ lana anu nanu kuma.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 4:11

Wo wati wa ke, kilayɛ kɛ la si ke wo ma. Kilayɛ si a fɔ ko fɔn-kalamɛ si bɔ wularɔ-kɔnkɛnu wara la ka ta wole, Allata mɔgɛnu magbenna. A mani ma de iko fɔn-fɛlɛfɛlɛnɛ, sɛni-salɛnu bi fui-fannu rafɛla min na.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Isikiyɛli 17:10

Hali a kira a kin na, a si a laban? Fɔn-kalamɛ wa na, a ti gbala? Ɔn, a si gbala a sɔ-gbɛ rɔ.”

Isikiyɛli 19:12

Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Daniyɛli 11:17

“Siriya mansɛ anubɛ ala kɛlɛ-dannu si yanfɛ rabɛn Iyipiti mansɛ kan ma. A si a raya ka yisi-kima-koe rabɛn anu tɛma hali a ya ala dunmusi do di a ma furu la alako a si nɔ-ko sɔrɔn a ma nya min. Kɔnɔ hali wo, ala ko-rabɛn wo si tinya.

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Habakuku 1:17

Anu si to anuna yalɛnu takolonyala ka to mɔgɛnu fagala tolon, kinikini sa anu tɔ, wa?

Habakuku 1:6

Babilɔn kɛ minnu karagbɛlɛ, ado anu yisi lakala kati, n bi nala sɛnbɛ dila anu ma mɔgɛnu kan ma. Anu bara wuli buila sibolo-gbɛrɛnu ma ka anuna nyamanɛnu bi anu bolo.

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,

Kɛlɛ-Kurugbɛnu 7:12

Midiyan kɛnu anubɛ Amalɛkinu anubɛ sibolo-gbɛrɛ minnu bi tele-bɔɛ wara la nun, wonu nyɛnsɛnnɛ lɛɛ wo rɔ iko kondɔnnu. Anuna nyomɛnu siya iko ba-kɛnkɛn.