Habakuku 1:8 - ALLALA KUMƐ

⁸ “Anuna soeenu bi anu burila ka tenbi kuli la. Soee wonu makilannɛ ka tenbi suluku-kɔnkɔtoe la. Anuna so-laburilɛnu nara le ka bɔ wula-yan la pon! Soee wonu bi anu matɛnna buri-kɛ-koe la. So-laburilɛnu anubɛ anuna soee wonu si yigi anu yogenu kan ma fii iko tanbakɔrɔmanɛ si yigi sisi-dan kan ma nya min!

Habakuku 1:8 ပူးပေါင်းရင်းမြစ်များ

Yobu 9:26

N niyi mani de iko yi ye tala yanba-kun-gbalɛ min na. A lakala iko tanbakɔrɔmanɛ tenbi yigila sisi-dan kan ma.

Aiseya 11:14

Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Yɛrɛmaya 4:13

Ma yogenu bi nala iko banda-finyɛ. Anuna kɛlɛ-kɛ-kirindinu bi nala anu burila iko tɔnkɔlɔn. Anuna soeenu bi anu burila iko kokɛ. A si gbɛlɛya ma kuma bawo wo ye nala kasarala le kɛ la.

Yɛrɛmaya 48:40

Mari ko, “Wo ni wo yɛ lata kɛlɛ-dannu mayigila Mohabu kan ma iko kokɛ-kanban tafulennɛ tenbi yigila fen kan ma.

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Yɛrɛmaya 50:42

Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Nimisa Koe 4:19

Ma yogenu yigira ma kan ma iko tanbakɔrɔmanɛ si bɔ san ma nya na fii! Anu ya ma sagaran kɔnkɛnu tɛma. Anu ya ma latɛrɛna wulɛ rɔ ka ma bira.

Isikiyɛli 17:12

“Mɔgɔ-murutiyanɛnu manyinika, wa, ni anu ya tili kɛ kɔrɛ lɔn. A fɔ anu ye ko Babilɔn mansɛ nara Yerusalɛm soe burɔ. A tara Yuda mansɛ anubɛ a mɔgɔ-banu dununa a bolo Babilɔn nyamanɛ rɔ.

Isikiyɛli 17:3

alako anu ni a lɔn nde, wo Tigi Mari ye min fɔla wo ye. Kokɛ-belebele do ye nyɔ nun min kanban tafulennɛ. A kanban-tiyi wonu kin dɔgɔma-ma-de! A kanban wonu tagbɛlɛ. A gbanta ka ta Lɛbanan kɔnkɛnu kuma. A ke nyɔ, a ya sida-kɔn-sungban do keri.

Isikiyɛli 26:11

Anuna so-laburilɛnu si so-burɔ-mɔgɛ wonu nagbesi. Anu ni to mɔgɛnu fagala anuna faannu na belenna. Anuna sɛnbɛrɛn-kɔn-tagbɛlɛmɛ wonu si bui dugi ma.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Nehami 2:5

Anuna kɛlɛ-kuruba-wɛ ye ala kɛlɛ-den-kunyɛnu takelela. Wonu bi nala tonko-tankanna latiriyɛ bolo. Wo kɛlɛ-nyɔgɛnu burimatoe ye tarɛ magbenna ka tara-keri-fan sɔ-bole rabɛn ka wo tuwa anu matanka-koe la.

Sɛfanaya 3:3

Yan-mɔgɔ-banu anubɛ yan-kiti-tɛgɛlɛnu mani de iko yara-kɔnkɔtoenu. Anu ba fenfen sɔrɔn, anu si wo kunyɛ lagbana. Anu ti sinan sigi.

Matiyu 24:28

“Suyi taranta kan min, dogɛnu si anu nadɛn nyɔ le.

Luka 17:37

Karan-dannu ya Yisa manyinika ko, “Mari, kɛ si ma mintɔ?” Yisa ya anu yabi ko, “Suyi taranta kan min, dogɛnu si anu nadɛn nyɔ le.”

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.