Habakuku 1:4 - ALLALA KUMƐ

⁴ Mɔgɔ-wo-mɔgɔla ko sa tɔn wara-koe rɔ tun bawo sɛnbɛ sa a rɔ. Kiti-tɛgɛlɛnu sa kiti tɛgɛla a kilɛ fɛ tun. Tuma-wo-tuma, mɔgɔ-telenbɛlɛnu kɛnɛna mɔgɔ-telennɛnu nɔla kiti rɔ. Anu bi tonyɛ yɛlɛmana foninyɛ la.

Habakuku 1:4 ပူးပေါင်းရင်းမြစ်များ

1 Mansɛnu 21:13

Karagbɛlɛ fila sigira a telen tɔ. Wonu ya tɔgɛ sa a la ka a fɔ ko, “Nebɔti kɛ le ya mansɛ anubɛ Mari rasɛ.” Anu ya a labɔ soe kɔma ka a mabon, a fagara.

Yobu 21:7

Nfenna Alla ye a mala, karagbɛlɛnu bi tola anu niyi la? A ye a mala, anu bi tɔnɛ anubɛ si-yan sɔrɔnna.

Yaburi 11:3

A ko ni ko-wo-ko sa tala a kilɛ fɛ, kama, mɔgɔ-nyimɛnu si a ma kama worɔ? Kun-takolonya-kumɛ le wo bɛɛ la.

Yaburi 119:126

Mari, ita sɛnbɛ-mayira-tumɛ le bawo mɔgɛnu bi ita tɔnnu tinyana.

Yaburi 22:12

N yogenu bara a mini n ma iko mɔgɛ tenbi sɔni Basan tura-feremɛnu tɛma.

Yaburi 22:16

N namininɛ karagbɛlɛnu bolo. Anu bi tola anu gbɛrɛnna n ma iko wulu-kurɔn. Anu bi n bolenubɛ n kian mafarafarala.

Yaburi 59:2

N kanan masiba-mɔgɛnu ma. N bɔ mɔgɔ-fagalɛnu bolo.

Yaburi 59:4

Bɛɛ burumatoe ye tala anu sɔ tinɛ rabɛnna n kan ma hali fɛɛ sa n na.

Yaburi 94:3

E, Mari, karagbɛlɛnu bara mɛ sewɛ rɔ. Anu bara mɛ mankan tugula ha!

Bɔ-Koe-Iyipiti 23:2

“Wo kana bila sɛrɛ fɛ ko-yogoma-kɛ-tinɛ. Mɔgɛ kana a radu sereya bɔ tinɛ ka sɔ nyama fɛ kumɛ rɔ.

Bɔ-Koe-Iyipiti 23:6

“Wo kana bolo-kolɔnnu yoe ma anu yilikiyi la kumɛ rɔ bawo fen sa anu bolo.

Aiseya 5:20

Gbalo ye wo ma bawo wo ye a fɔla ko-yogomɛ ma ko a kin. Wo ye a fɔla ko-nyimɛ ma ko a ma kin. Wo ye a fɔla pinpi ma ko wan-takanɛ le. Wo ye a fɔla wan-takanɛ ma ko pinpi le. Wo ye a fɔla fen-kunayanɛ ma ko a di. Wo ye a fɔla fen-diyamɛ ma ko a kuna.

Aiseya 59:12

“Ma ara ko-yogoma-siyaman ma mata Alla la. Ma hakɛ ye a yirala ma la ko ma ye kila-yogomɛ le fɛ. Ma ya a lɔn ko ma ara ma kan-kɔ sɔ Alla la. Male ya a lɔn ma ara karagbɛlɛya-koe minnu ma.

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Yɛrɛmaya 26:8

N banta Mari kan kɛ fɔla nya min wo, wo kɛra n ma ka a lasɔnkɔ ko, “Ma ye i fagala kumɛ kɛla ko la.

Yɛrɛmaya 8:7

Hali konanu, wonu ya anu nyɛrɛta ko-ladan-wati lɔn. Hali kulangbɛ anubɛ serekokonu ya anu tunu-wati lɔn. Kɔnɔ Mari ko a ye nyinina min ma wole, ata mɔgɛnu bolo, wo ma wo lɔn.

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

Hoseya 10:4

Wole ye kuma-fuyinu fɔla ka foninya-lanyirinu kiri ka to wo da le fɔla kɛlɛ-makima-koe rɔ. Latelan ara a laban wo bolo ko-raduyi ma kiti-fɔ-tinɛ. Wo mani de iko mɔgɛ wa fui-fan fui, fen-gbɛrɛkɛ ma fɛrɛn nyɔ fɔ dawurɛ.

Emɔsi 5:12

Mari ko a ya a lɔn wola hakɛnu yogo nya min. Wo ara ko-yogomɛ minnu nyɔgɔn ma, a ya wo bɛɛsi lɔn. Mɔgɔ-nyimɛ minnu bi wo tɛma, wo ye wonu bɛnsɛnkɔninyala ka anu tɔrɔ. Wo ye dogonta-fan birala mɔgɛnu bolo. Wo ye a mala, bolo-kolɔnnu ti yo sɔrɔn hali tonyɛ ye anu bolo.

Emɔsi 5:7

“Bawo wo ye ko-telennɛnu tadula ka mɔgɛnu kensunya anu halala-fannu kuma, woletɔ Mari ko a ara a ban wo la ka wo kasara.

Maraka 7:9

A ko fanan, “Ado nfan, halliya-kilɛ ye wo bolo ka wo ban Allala tɔn la alako wo ni wo nyɛrɛla namu bira nya min!

Kɛwɔlɛnu 7:52

Nɛbi kelen bɛrɛn sa nyɔ nun, wo benbanu ma min tɔrɔ. Wo sa! Allala kilayɛ minnu ya ala wɔli-kɛla-telennɛ na-koe fɔ, kebi wati-yan, anu ya wonu faga. Nba kaka, wole ara a don a yogenu bolo tɔ ka a faga.

Kɛwɔlɛnu 7:59

Anu bi Sitifen mabonna tumɛ min, a ya a kan labɔ Mari ma. A ko, “N Mari Yisa, n niyi bi!”

Romu 3:31

Dɛnkɛninyɛ si tɔn-kitabu wara-koe ma fuyi la worɔ? Wo ma de! Dɛnkɛninyɛ le si a ma, ma ni tɔn-kitabu gbiliya kati!

Tɔn-Fɔɛ-Fila-Nyɔgɛ 16:19

Anu kana ma mɔgɔ-radunɛnu na. Anu kana lafisayalɛ kɛ kiti tɛgɛ tinɛ. Anu kana dogonta-fan bira. Hali mɔgɛ hɛnkili kolo, dogonta-fan si a ma, a ni fiyonya. Hali a telenta, a ra si du kɔnkɔrɔntɔn!