Habakuku 1:13 - ALLALA KUMƐ

¹³ Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Habakuku 1:13 ပူးပေါင်းရင်းမြစ်များ

2 Samuwɛli 4:11

Wole min bara kɛ faga, a ma ko tinya, kumana sa wole ma. A ye kinɔgɛ le tɔ a halala bɔn la, wo tara a kunyɛ tɛgɛ a la. Wo ye wo gbɛ min tɔ wo la, n si a tayili sara wo la ka wo ban dugu-kole kɛ kuma.”

1 Mansɛnu 2:32

Mari si dunɛ wo sigi Yohabu kuma bawo a ya mɔgɔ-telenni fila faga, Nɛrila den Abina anubɛ Yɛtala den Amasa, kɔni. (Isirɛla mɔgɛnuna kɛlɛ-den-kunyɛ le Abina kɛ la nun. Yudala mɔgɛnuna kɛlɛ-den-kunyɛ le Amasa kɛ la nun.) N fa ma ko lɔn kɛnu faga-koe rɔ, ado mɔgɔ filɛ kɛnu fisa Yohabu ko.

Ɛsita 4:14

Kɔnɔ ni a siginɛ tora a la i bolo kaka, dɛnbɛnɛ si bɔ Alla bolo kan tinɛ do rɔ ka Yahudiyanu kunyɛ bɔ a rɔ kɔnɔ wolebɛ i kebila-kunyɛ si to-a-rɔ dogbe! Tumado, i mara mansɛla musi la kɛ lela ko la. Mɔgɔ ma a lɔn.”

Yobu 15:15

Alla ma la a nyɛrɛta melikanu denu gbuyɛ la. Hali wonu denu, anu ma sɛninya Alla yala.

Yobu 21:7

Nfenna Alla ye a mala, karagbɛlɛnu bi tola anu niyi la? A ye a mala, anu bi tɔnɛ anubɛ si-yan sɔrɔnna.

Yobu 24:23

Tumado Alla si sɔn ko anu ni sigi lafɛrɛ rɔ kɔnɔ a kolan bɛnnɛ anu ma tuma-wo-tuma.

Yaburi 10:15

Karagbɛlɛnuna sɛnbɛ-dɛ makeri ka anu tɔrɔ anuna ko-yogomɛla ko la alako anu kana na a ma tun.

Yaburi 18:26

Min sɛninyanɛ, Mari si kun-nadiyɛ di wo tigi ma. Min karagbɛlɛ, ale si a lagbɛlɛya wo tigi kuma.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 35:17

N Mari, i si to i kolan gbalala n na ha wati nyamintan? N nakisi n yogenu bolo. N bɔ yarɛ kɛnu da la.

Yaburi 35:22

E, Mari, i wara kɛ damasi yen! I madenɛ kana na to. I kana i masɛgi n na pon!

Yaburi 35:25

I kana sɔn, anu ni a fɔ n ma ko, “Ma ye nyinina min ma, wo le wara ma, yɔ! A ara tunu ma tɛma yen!”

Yaburi 50:21

Wo ara kɛ damasi ma nun kɔnɔ n ma fenfen fɔ. Wole mirinɛ ko nde le iko wole. Kɔnɔ kaka, n bi nala bɔla gbɛ rɔ wo ye ka wo makuma.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 83:1

E, Alla, i radenɛ kana to. I mayiginɛ kana to dɔi! I sɛbɛ don.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 24:16

Mɔgɛnu si na Yerusalɛm ka bɔ wula-yan-bɛnu na ka tantoli-bɛtinu bɔ nyɔ. Kɔnɔ yigi-wo-yigi sa nde, Aiseya ma. N fɛrɛ ye banna n ma. N yogenu bi tola n bolo labirala. Anuna wunduyogoyɛ kuma ye tala sala.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 64:12

Mari, ni ile nyɛrɛ ya kɛnu yen i kolan la i si ke a birala i rɔ? I radenɛ si to ka tɔrɔya-dunɛ sigi ma kuma, ma ti ke min na?

Nimisa Koe 3:36

Anu ba mɔgɔla tonyɛ radu kiti-sa-tinɛ, wo ma di n Tigi Mari ye, ado a kolan sɔnɛ wo bɛɛ la.

Habakuku 1:14

Nfenna i ye mɔgɛnu bira boloko-yogomɛ-kɛla iko mɔgɛ si yɛgɛ anubɛ mɛnɛ-mɛnɛnɛnu bira boloko-yogomɛ-kɛ nya min bawo kun-tigi sa wonu bolo min si anu kumafunfan?

Sakaraya 8:17

A ko wo kana wo miri ko-yogomɛ ma wo nyɔgɔn tɔgɔ rɔ. A ko wo kana foninyɛ fɔ gboroli-kɛ-tinɛ bawo foninya-fɔɛ wo, telenbɛlitayɛ wo, wunduyogoyɛ wo, a ko wonu gbo a ye.

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Tɔn-Fɔɛ-Fila-Nyɔgɛ 23:15

“Ni yɔɔn ya a buri ka na i wara ko i ni a kisi, i kana a lasɛgi a tigi ma.