Habakuku 1:12 - ALLALA KUMƐ

¹² Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Habakuku 1:12 ပူးပေါင်းရင်းမြစ်များ

Ko-Dabirɛnu 21:33

Iburayima ya kɔlɔma-nɛ do ki Biri-Siba dafɛ ka habadan-Mari-Alla bato nyɔ.

2 Mansɛnu 19:25

“A ko Mansa Sɛnakaribu ma a lamɔɛn ko Marita miriya le kɛ la, ado a ye wo dafa tinɛ le, wa? Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Yaburi 102:24

E, Alla, bawo n ma kɔrɔya wɛ, i kana n natuntun kanbɛ rɔ fɔlɔn. E, Mari, i ye nyɔ tolon!

Yaburi 118:17

N ti faga, ado n si to n niyi la. Mari ara min ma, n si to wo rakaranna dɛɛ!

Yaburi 149:2

Wole Isirɛla mɔgɛnu ni sewa ka a tɛgɛ wo Dali-Mari ma. Wole Yerusalɛm kɛnu ni sewa wola san-kolo-mansayɛla ko la.

Yaburi 17:13

Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

Yaburi 18:1

Mari di n ye kosɛbɛ! N kumafunfannɛ le ale la.

Yaburi 74:12

E, Alla, kebi fɔlɔ, ile ye mansayɛ la ma kun na. I wara ma latanka siyaman kɛ duninya kɛ rɔ.

Yaburi 90:1

E, n tigi, ka a bi fɔlɔ ma, ha duninya si ban, ma sulen tinɛ le ile la.

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Yaburi 93:2

E, Mari, kebi fɔlɔn, ila mansayɛ ye sɛnbɛ rɔ. Yanni duninya ni dan, i ye nyɔ nun.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 40:28

Wo ma a lɔn, ba? Wo ma a lamɔɛn nun, ba? Habadan-Alla le Mari la. Ale le ya duninya dan, yɔ! A ti bandan. A ti yunkun. Mɔgɔ-wo-mɔgɔ ti ke a miriya lɔnna.

Aiseya 43:15

A ko mata Mari Alla-sɛnimɛ le ale la. A ko ale le ya male Isirɛla mɔgɛnu dan ka ma mala mansɛ la.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 46:28

A ko wole, Yakoba kegeyɛnu, wo kana kilan. A ko a si na wo wara ka wo lakisi. A ya wo ranyɛnsɛn kan-tinɛ min bɛɛ rɔ, a ko a si sibole wo bɛɛ kasara kɔnɔ a ti wole lato. A ko hali wo, a ti wo tɔrɔbɛlɛ to kɔnɔ a ye tɔrɔya-bɛnmatɛ dila wo ma. Mari kan le kɛ la.

Yɛrɛmaya 5:18

Mari ko hali wo, wo la ti to wo wati rɔ.

Nimisa Koe 5:19

Kɔnɔ ile Mari, habadan-mansɛ le ile la, ado i si to mansayɛ la ma kuma burubukai!

Isikiyɛli 30:25

Ɔnde, n si Iyipiti mansɛ fanka mayigi ka Babilɔn mansɛ fanka mayɛlɛ. N ba nna faan don a bolo, a wa faan wo sungban telen Iyipiti la, bɛɛ si a lɔn wo rɔ ko Mari le nde la.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Habakuku 3:6

Ile Alla wa dan kan min, dugu si yɛrɛyɛrɛn nyɔ rɔ. Hali i wa i kolan tɔnkɔn sɔ minnu na, wonu kun ma si kɔ. Kɔnkɛ minnu bara mɛ, wonu si tii nya-kun-kelen ka ma lɛɛ la. Hali i wara i tontɛ sɔ kɔnkɛ minnu kuma nun, wonu fanan si tii mɛmɛ!

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Malakayi 3:6

Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

Kɛwɔlɛnu 3:14

Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 33:27

Alla le wo dɛnbɛnɛ la kɛlɛ rɔ. Wo ye wo gbɔnkunna a rɔ. A ye wo kɔrɔbila. Wo tenbi tala, a ye wo yogenu gbenna wo yarɔ alako wo ni anu faga.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.