Habakuku 1:10 - ALLALA KUMƐ

¹⁰ Anu si nyamani-tiginu nafɛya. Anu ma mɔgɔ-banu lɔn fenfen na. Ni anu ya tara-minini taran soe min ma, anu si bɔnkɛ ladɛn wo fɛ ka yigi a burɔ tiriya!

Habakuku 1:10 ပူးပေါင်းရင်းမြစ်များ

2 Mansɛnu 24:12

Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

2 Ko-Kɔrɔta-Karan 36:6

Wati tenbinɛ, Babilɔn Mansa Nɛbukanasa tara bui Yuda nyamanita-mɔgɛnu ma. A ya Mansa Yahoyakim bira ka ta a la Babilɔn nyamanɛ rɔ. A kirinɛ yɔlɔkɛ la.

Aiseya 10:9

Kalano soe wo, Kakemisi soe wo, Hamati soe wo, Arapadi soe wo, Samariya soe wonubɛ Damasika soe, n bara soe kɛ bɛɛ bira-a-la.

Aiseya 14:16

“Furinu si anu yɛ wuya-a-rɔ. Anu si nyinikalɛ kɛ ko, ‘Kei kɛ le sa mɔgɛnu nabiri-barala nun ka anu takilan?

Aiseya 37:13

Hamati kɛnuna mansɛ ye mintɔ? Arapadi kɛnuna mansɛ ye mintɔ? Sifafeyim kɛnuna mansɛ ye mintɔ? Hena kɛnuna mansɛ ye mintɔ? Ifa kɛnuna mansɛ ye mintɔ?”

Yɛrɛmaya 30:5

A ko a ye wole, ata mɔgɛnu wɔrɔndɔ-kan lamɔɛnna kumakɔɛ bolo. Wo kilannɛ dɔgɔma-ma-de, ado yisi-kimɛ sa nyɔ.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 33:4

Isirɛlata Mari Alla ko anu yogenu bi tarɛ tuntunna bɔnkɛ la soe kɔma anu kɛlɛ-koe la min kɛ, wo ya a ma, Yerusalɛm kɛnu bara anuna bɔnnu anubɛ Yuda mansɛla bolɔn tii alako anu si tarɛ wonu tagbɛlɛya nya min.

Isikiyɛli 21:31

N ba nna diminyɛ labɔ wo ma iko ta-mɛlan, wo si a lɔn. N si wo kunyɛ don yisi-gbɛlɛtenu bolo minnu si wo faga boloko-yogomɛ-kɛ.

Isikiyɛli 26:8

Minnuna soenu sa yi dafɛ, wonu kunyɛ si to kɛlɛ rɔ bofe! Anu yogenu si bɔnkɛ ladɛn anuna tarɛnu ma alako anu si ke yɛlɛla tarɛ ma nya min anu kɛlɛ-koe la. Anuna nɛgɛ-walannu si ma Taya kɛnu yala iko dandan-gbɛlɛ-wɛ.

Sɛfanaya 1:8

Mari ko a wa ma yogenu nana ma faga-tinɛ tumɛ min, tɔrɔyɛ wo da si bira mansɛla mɔgɔ-banu anubɛ ala dannu ma anubɛ minnu bi sibolo-gbɛrɛnuna namunyɛ bila.