Filipai 4:9 - ALLALA KUMƐ

⁹ Wo ara koe minnu karan nde bolo, wo ni wonu kɛ. Ni a mara kumɛ la wo ya min namɔɛn n bolo wo, ni ko do le wo ya n yen min mala wo, alako dɔrɔn, wo ni wonu kɛ tun! Alla min bi yisi-kimɛ dila ma ma, wo si to wo fɛ.

Filipai 4:9 ပူးပေါင်းရင်းမြစ်များ

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Matiyu 7:21

“Min bɛɛ ye a fɔla ko ata Mari le nde la, wo bɛɛ ti don Allala mansayɛ rɔ fɔ minnu bi n Fa diyana-koenu kɛla, n Fa min bi Arinyɛni tɔ, kɔni.

Luka 6:46

“Nfenna wo ye a fɔla ko wota Mari le nde la kɔnɔ wo sa nna kumɛ birala?

Luka 8:21

Yisa ya a fɔ anu dama ye ko, “Minnu bi Allala kumɛ lamɔɛnna ka a bira, n na anubɛ n dɔgɛnu le wonu na.”

Yɔni 13:17

Nba kaka, wo ara tonyɛ kɛ lɔn min kɛ, ni wo tora a kɛla, wo si ma mɔgɔ-sewanɛ la!

Yɔni 15:14

Ni wo ya nna kumɛ bira, n diyana-mɔgɛnu de wole la.

Yɔni 2:5

A na ya a fɔ nyɔ-wɔli-kɛlɛnu ye ko, “A wa min fɔ wo ye, wo ni wo ma.”

Kɛwɔlɛnu 9:6

Kɔnɔ i lasɔ. I ni ta soe. I ye nala min mala gbɛ, mɔgɛ do si na wo fɔ i ye nyɔ.”

Romu 15:33

Alla min bi yisi-kimɛ dila ma ma, alamɛ wo tora wo dama fɛ. Amina!

Romu 16:20

Alla min bi yisi-kimɛ dila ma ma, wo ti mɛ Setanɛ kasarala wo kin kɔrɔ. Ma Mari Yisala hinɛ ni to wo fɛ.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

1 Kɔrɛnti 14:33

bawo Alla sa nyinina ko-yabasan ma, fɔ yisi-kimɛ. Allala mɔgɛ bɛɛ wa anu nadɛn chɔchi la,

1 Kɔrɛnti 4:16

Woletɔ n bi wo madiyala ko wo ni wo sanka nde ma.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Filipai 3:17

N na-kelen-nyɔgɛnu, wo dama ni to n nadegenna. N bara ma misali-bɛrɛ la wo ye. Woletɔ minnu bi wo nyɔgɔn kɛla, wo ni to wonu mafɛlɛnna.

Filipai 4:7

Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.

1 Tɛsalonaika 1:6

Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.

1 Tɛsalonaika 2:14

Ma na-kelen-nyɔgɛnu, koe minnu mara Allata mɔgɛnu na Yudiyanuna nyamanɛ rɔ, wo le wara ma wole fanan na. Wo ya tɔrɔya-su min sɔrɔn wo nyɛrɛta nyamanita-mɔgɛnu bolo, anu denu fanan ya wo sufa sɔrɔn Yahudiyanu bolo fɔlɔ-nun.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

2 Tɛsalonaika 3:4

Ma lanɛ wole bɛrɛn na Mari rɔ. Ma ya a lɔn ko ma ya min fɔ wo ye, wo ye wo kɛla, ado wo si to wo kɛla dɛɛ!

2 Timoti 4:22

Mari ni i niyi kandan. Allala hinɛ ni to wo dama fɛ.

Yemesi 1:22

Wo kana wo tole masɔ Allala kumɛ la gbansan fɔ ka a kɛ le serr! Wo kana wo nyɛrɛ mayuwaya tolo-masɔɛ dɔrɔn na!

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

1 Yɔni 3:22

Ma wa Alla manyinika min na, ma si wo sɔrɔn bawo ma ye ala tɔnnu birala ka a diyana-koenu ma.