Filipai 4:7 - ALLALA KUMƐ

⁷ Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.

Filipai 4:7 ပူးပေါင်းရင်းမြစ်များ

Nihɛmaya 8:10

Bɛɛ ni ta a wara ka fen dɔn. Ni minta dɔn-fan anubɛ minni-fan ma a bɔ a bolo, wo ni wonu kele. Tele-sɛnimɛ le kɛ la wota Mari Alla bolo bi. Funun-tele ma bi la. Mari ye sewɛ min dila wo ma, wo si a ma, wo ni to fanka rɔ.”

Yobu 22:21

Nba, Yobu, kaka gbɛ, i ni kɛlɛ-nyɔgɔnyɛ ban wobɛ Alla tɛma. Ni i ya wo ma, a si duwa i ye worɔ.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 29:11

Mari si sɛnbɛ di ata mɔgɛnu ma. A si ata duwɛ layigi anu kuma. Anu ni yisi-kimɛ sɔrɔn.

Yaburi 85:8

N tole masɔnɛ alako n ni a lɔn ile Mari Alla ye nala min fɔla. I ya lanyiri kiri male ita mɔgɛnu ye ko ma si to yisi-kimɛ rɔ. Alako tun, ma kana ma lasɛgi mala kun-takolonya-koe wonu ma tun.

Hɛnkilimaya-Kumɛnu 2:11

Ila ko-kɔrɔ-lɔn si i kandan hɛnkilimayɛ rɔ.

Hɛnkilimaya-Kumɛnu 4:6

Ni i ya hɛnkilimayɛ bira, a si i latanka. I wa a keni, a si i kandan.

Hɛnkilimaya-Kumɛnu 6:22

I tenbi tagama rɔ, karan wo si i sɔ kilɛ ma. I tenbi sani, a si i kandan. I tenbi i yala, a si to i kawandila.

Aiseya 26:12

Mari, i wara ma lama-a-la. Ma ara fan bɛɛ sɔrɔn i baraka le tɔ.

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Aiseya 48:22

Mari ko, yisi-kimɛ sa hakɛ-kɛlɛnu ye.

Yɛrɛmaya 32:16

N ban kɛdi wo donna Baruki bolo, n ya Mari madiya. N ko

Yɛrɛmaya 33:6

Kɔnɔ a ko a si Yerusalɛm soe dandan anubɛ ala mɔgɛnu ka anu nasɛgi anu gbɛ rɔ. A si yisi-kimɛ di anu ma duk, ka anu nakanan.

Yilan-Yilan Koe 6:26

Alamɛ Mari ya ko-nyimɛ kɛ wo ye ka yisi-kimɛ di wo ma.’ ”

Luka 1:79

Minnu siginɛ pinpi rɔ anubɛ sayɛ ninɛ kɔrɔ, a si malan wo bɛɛ ye ka mala tagama-nya yira ma la yisi-kimɛ-kilɛ fɛ.”

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Romu 8:6

Ka i niyi sa hadama-dan diyana-koenu kuma, wo si a laban sayɛ ma. Ka i niyi sa Allata Ni-Sɛnimɛ diyana-koenu kuma, wo si a laban nimayɛ anubɛ yisi-kimɛ ma.

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.

Filipai 1:2

Alamɛ ma Fa Alla anubɛ Mari Yisa, Allata-Mɔgɔ-Yabɔnɛ ya hinɛ yira wo la ka yisi-kimɛ di wo ma.

Filipai 4:19

Nba, nta Alla si wo makoe bɛɛ nyinya iko ala nɔnfulu-waranɛ ye nya min Kirasiti Yisa rɔ.

Filipai 4:21

N bi Allala mɔgɛ bɛɛ kɔndɔnna, Kirasiti Yisala mɔgɛnu, kɔni. Wo na-kelen-nyɔgɛ minnu bi n fɛ yan, wonu bi wo kɔndɔnna.

Filipai 4:9

Wo ara koe minnu karan nde bolo, wo ni wonu kɛ. Ni a mara kumɛ la wo ya min namɔɛn n bolo wo, ni ko do le wo ya n yen min mala wo, alako dɔrɔn, wo ni wonu kɛ tun! Alla min bi yisi-kimɛ dila ma ma, wo si to wo fɛ.

Kɔlɔsi 3:15

Kirasiti ye yisi-kimɛ min dila mɔgɛnu ma, wo ni kun-tigiyɛ kɛ wo yisi rɔ. Alla ara wo ladɛn ka wo ma bagbu kelen na alako wo si yisi-kimɛ kɛ su lɔn nya min. Wo kana ma fisiriwɔlɛnu na.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’