Filipai 4:4 - ALLALA KUMƐ

⁴ Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!

Filipai 4:4 ပူးပေါင်းရင်းမြစ်များ

Yaburi 146:2

Fananta n bi n niyi la, n bi a matɔgɔla. N si bɛti bɔ nta Alla ye n siyi-tele-bɛɛ kɔrɔ.

Yaburi 33:1

Wole minnu telennɛ, wo ni a lawɔyɔ sewɛ bolo ka a tɛgɛ Mari ara min ma wo ye. Wole minnu bi ala kumɛ birala, wo ni a matɔgɔ.

Habakuku 3:18

kɔnɔ hali wo, n si nyagalen ka sewa bawo Mari Alla le nna kisilɛ la.

Matiyu 5:12

Wo ni sewa ka nyagalen bawo barayi-ba maranɛ wo ye Arinyɛni tɔ, ado anu ya fɔlɔ-nɛbinu bira boloko-yogomɛ-kɛ wo nya na le nun.

Kɛwɔlɛnu 16:25

Suyi tɛma, Pɔli anubɛ Sailasi ye Alla matarala ka bɛtinu bɔ a ye, ado yelela-mɔgɔ-toenu tole masɔnɛ anu na.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

Kalesiya 1:8

Ni mɔgɔ ya kibara-nyima-gbɛrɛkɛ kawandili bɔ wo ye min faranɛ mala kawandili kɛ la, alamɛ a yilikira nyahanama rɔ pɔ! Hali male le ya wo ma, ni wo ma, melika ka bɔ Arinyɛni tɔ, alamɛ a yilikira.

Filipai 3:1

Kumɛ kɛ kundɔn, n na-kelen-nyɔgɛnu, alamɛ Mari ya sewa-ba di wo ma. N bara koe minnu sɛbɛ fɔlɔ-nun, a ti gba n na ka wo koenu fɔ tun. Ni n ya wo ma, a si wo tanka nyagbɛ ma.

1 Pita 4:13

Kɔnɔ wo ni sewa ko wo ye tɔrɔyɛ sɔrɔnna Kirasiti le fɛ. Wo si a ma, ala gbiliyɛ wa bɔ gbɛ rɔ tumɛ min, wole bɛrɛn si fa sewɛ la wulɔn.