Filipai 3:9 - ALLALA KUMƐ

⁹ N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Filipai 3:9 ပူးပေါင်းရင်းမြစ်များ

1 Mansɛnu 8:46

“Mari, ni ila mɔgɛnu ya hakɛ kɛ i la tumɛ min, ado mɔgɔ-wo-mɔgɔ sa nyɔ min ti hakɛ kɛ, tumado i si diminya anu ma ha i ni anu don anu yogenu bolo. Wonu ni anu bira ka ta anu na anu barɛnu tɔ hali anu taranta wula-yan la.

2 Ko-Kɔrɔta-Karan 32:25

Kɔnɔ Mansa Hɛsakaya wasira ka fisiriwɔlitayɛ telen Mari la, ado Yuda anubɛ Yerusalɛm kɛnu tɔrɔta wola ko la.

2 Ko-Kɔrɔta-Karan 32:31

Hali Babilɔn mɔgɔ-banu nara tumɛ min ka a manyinika tamasere wo ma min bara kɛ ala nyamanɛ rɔ, Alla ya a bɔ a fɛ alako a ni a lɔn a yisi ye nya min.

Yaburi 14:3

Kɔnɔ anu dama ara anu kan-kɔ sɔ a la. I ti do-wo-do matuntun do ye ko-yogoma-kɛ rɔ. Hali mɔgɔ-den-kelen sa anu tɔ min si ko-nyimɛ kɛ.

Yaburi 143:2

I kana nde, ila wɔli-kɛlɛ kiti bawo mɔgɔ-wo-mɔgɔ sa, sɔn sa min na i yala.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Makawandili Kumɛnu 7:20

Mɔgɔ-wo-mɔgɔ sa nyɔ min si to ko-telennɛ kɛla tuma-wo-tuma, tele-kelen-bɛrɛni, a ma sama.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

Romu 10:10

ado ma si telen Alla yala mala dɛnkɛninyɛ le fɛ. Ma wa Marila sereyɛ bɔ ma dɛ la, ma si kisi,

Romu 16:7

Andonaika anubɛ Yuniya kɔndɔn n ye. N Yahudiya-nyɔgɛ le wonu na minnu bi yele la n fɛ nun. Anu malɔnnɛ bɛrɛkɛ kilayɛnu tɛma, ado anu fɔlɔn dɛnkɛninyara nde ko.

Romu 5:21

Nba, iko hakɛ ya mansayɛ kɛ mɔgɛnu kuma nya min ka sayɛ lana anu ma kɔnɔ Allata hinɛ fanan ye mansayɛ kɛla mɔgɛnu kuma ka mɔgɛnu natelen a nyɛrɛ ye wo nya na le ka ma ladon habadan-nimayɛ rɔ ma Mari Yisa, Allata-Mɔgɔ-Yabɔnɛ baraka rɔ.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

Tɔn-Fɔɛ-Fila-Nyɔgɛ 27:26

“ ‘Alamɛ Allata dankɛ taranta wo mɔgɛnu kuma minnu ti sɔn tɔn kɛnu bira-koe ma.’ “Anu si a labira ko, ‘Amina.’ ”

Filipai 3:6

N bara n taya ha n ya a lagbɛlɛya chɔchi kuma, ado ni mɔgɛ si ke mala telenbagɛ la tɔn-birɛ fɛ, fɛɛ-wo-fɛɛ ma taran n na wo rɔ.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

Taita 3:5

a ya ma kisi. A ma ma kisi ka a tɛgɛ ma nyɛrɛta kɛwɔli-nyimɛnuna ko la de! A ya wo ma ala kinikinɛ lela ko la. A ya ma kisi ata Ni-Sɛnimɛ baraka rɔ min bi sɔrɔn-nya-kurɛ anubɛ ni-kurɛ dila ma ma. Ale le si mɔgɔ yisi ku ka a sɔn sɛninya,

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

Yemesi 3:2

Ma dama si sama tuma siyaman. Mɔgɛ min ti sama kumɛ rɔ hali doni, wo tigi kanbalinɛ le feu! A si ke a nyɛrɛ matankala le fanan. Fɛɛ ti taran a la ko-wo-ko rɔ.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

1 Yɔni 3:4

Min ba hakɛ kɛ, wo yilikinɛ Allala tɔn-tinya-koe rɔ, ado min bi Allala tɔn tinyana, wo ye hakɛ le kun na.