Filipai 3:8 - ALLALA KUMƐ

⁸ Wo koenu dɔrɔn ma. N bara ko-koron-bɛɛ lɔn bɔnɛ la feu! Koe min tenbinɛ kɛ dama la, wo le ka Kirasiti Yisa lɔn n Mari la, kɔni. N bara koe wo bɛɛ boloka ale Yisala ko la ka wo bɛɛ lɔn yefe-gbalɛ la alako n ni Kirasiti sɔrɔn.

Filipai 3:8 ပူးပေါင်းရင်းမြစ်များ

1 Mansɛnu 14:10

Ka a tɛgɛ Mansa Yɛrabowami sɔn kɛ ma, Mari ko a si gbalo lana anubɛ a kegeya keimɛ damasi kuma. Hali ala bonna-wɔli-kɛlɛnu, a si wonu fanan tɔrɔ. A ko a si anu tɔrɔndɔ iko tɛ si ninki-nyɛ-gbalɛ mintan nya min.

2 Mansɛnu 9:37

A ko a toe min bi tola, wo ra si nyɛnsɛn dugi ma iko ninki-nyɛ. Mɔgɔ-wo-mɔgɔ ti sui a ma tun ko Yɛsɛbɛli le.’ ”

Yobu 20:7

a si ban iko fɔnyɔ wa gbangban bi. A lɔnbaga-kɔrɛnu kɔndɔ si fili ni a tara kan min.

Yaburi 126:6

Hali minnu yisi-magboyanɛ ye tala sugi la a bolo, wo sewanɛ si sɛgi fui-fen-lakirinɛ la a kuma.

Yaburi 73:25

Fenfen sa nde bolo Arinyɛni tɔ ile kɔma n dɛnbɛn-koe rɔ. N bi nyinina nfen ma duninya kɛ rɔ ile Alla kɔma?

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Malakayi 2:3

A ko ka a tɛgɛ wo sɔn ma, a si wola dannu tɔrɔ. Wo ye kolo-fan minnu mala sarakɛnu na, a ko a si wo yakɔrɛ digin sarakɛ wonu nyɛ rɔ. Anu si wo bi ka wo lakɛ a rɔ nyɛ-rawuya-tinɛ.

Yilan-Yilan Koe 14:30

N bara ban a latɛgɛla bawo wo ya a fɔ nun ko Kenannu si wo kɛlɛ ka wola dannu bi wo bolo. Wole ya wo ban nyamanɛ min na, wo le ye nala tola wola dannu ye gbɛ! Nyɔ si ma anu barɛ la. N ya lanyiri kiri wo ye nun, n ko wo ni sigi nyɔ kɔnɔ wo do-wo-do ti sigi nyɔ tun fɔ Kelabu anubɛ Yasowa.

Luka 1:43

Ko n Mari na ara na n kɔndɔn tinɛ, ko-wɛ kɛ mara n ye kama?

Luka 11:20

Kɔnɔ n bi nyinɛnu gbenna Allala sɛnbɛ le la. Wo ye a yirala ko Allala mansayɛ ara ban kela wo ma.

Yɔni 14:20

Wo tele wa ke tumɛ min, wo si a lɔn ko n bi n Fa Alla rɔ, wole fanan bi nde rɔ iko n bi wole rɔ nya min.

Yɔni 14:7

Wo ara nde lɔn min kɛ, wo si na n Fa Alla fanan lɔn, ado ka a bi bi ma, wo ara ale lɔn ka a yen.”

Yɔni 16:3

Anu si koe kɛnu ma wo la bawo anu ma nde lɔn. Hali n Fa Alla fanan, anu ma wo lɔn.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Yɔni 17:8

I ya sarakanɛ min don n bolo, n bara wo lake anu ma. Anu bara sarakanɛ wo bira. Anu ya a lɔn yati, ko n bɔra ile le warɛ. Anu bara la a la gbɛ, ko ile le ya n sɔ.

Yɔni 20:13

Anu ya a manyinika ko, “N na, i ye dila nfenna?” A ya anu yabi ko, “Anu bara n Mari labɔ yan. Anu bara a sa kan min, n ma nyɔ lɔn!”

Yɔni 20:28

Tamasi ya a yabi ko, “N Mari anubɛ nta Alla!”

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Romu 8:18

N lanɛ a la ko ma ye tɔrɔyɛ min sɔrɔnna kaka, wo ti sanka gbiliyɛ wo ma min si na bɔ gbɛ rɔ ma ye.

Romu 8:39

koe minnu bi san ma wo, koe minnu bi yi kɔrɔ wo, wonu fenfen sa dali-fannu tɛma min si ke mabɛ Allata keninteyɛ farala, ado matɛ le keninteyɛ wo la ma Mari Yisa, Allata-Mɔgɔ-Yabɔnɛ baraka rɔ.

1 Kɔrɛnti 2:2

N ya a latɛgɛ n yisi rɔ ko n kana wo karan ko-wo-ko la fɔ Yisa Kirasiti, katarala a faga-koe ma kɔlɔma ma,

1 Kɔrɛnti 9:10

Nɛbi Musa ma kɛ fɔ ka a tɛgɛ male ma, wa? Ɔnde, kɛ sɛbɛnɛ malela ko la, yɔ! Dugu-wɔrɔlɛ anubɛ fui-fen-tɛgɛlɛ, wonu bi wɔlɛ kɛnu kɛla bawo anu yili ye a ma ko anu si fan sɔrɔn a rɔ.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Kalesiya 1:16

A ya a latɛgɛ ko a ni ala dan labɔ gbɛ rɔ n ye. A ko n ni ala kibara-nyima-kawandili bɔ wole sibolo-gbɛrɛnu ye, ado n ma ta mɔgɔ-wo-mɔgɔ wara alako n ni hɛnkili sɔrɔn.

Ɛfɛsa 4:13

Wɔlɛ kɛ ni to tala yarɔ ha ma dama ni to kan kelen tɔ dɛnkɛninyɛ fɛ ka Allata den Yisa wara-koe lɔn. Ma si ma mɔgɔ-kanbalinɛnu na worɔ ka to koloyala ha Kirasiti ni taran ma yisi rɔ a nya-bɛrɛbɛrɛ ma.

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.

Filipai 3:10

N bi nyinina min ma gbɛ, wo le ko n ni Kirasiti lɔn anubɛ a lawuli-sɛnbɛ. N bi a fɛ, n ni tɔrɔ iko ale tɔrɔta nya min anubɛ ka faga iko ale fagara nya min.

Filipai 3:12

N ma a fɔ ko n kɔntɛ ara kɛ n ye. N da fani ma wɛ kɔnɔ n bi n tayala dɛɛ, ado Yisa ara ban nde rabirala ka n ma atɛ la.

Filipai 3:7

Hali koe minnu manɛ tɔnɛ la nta miriya rɔ nun, wonu bara ma bɔnɛ la n ye kaka Kirasitila ko la.

2 Timoti 4:6

Kɔnɔ nde, nta tumɛ ara ke. N bara ma iko sarakɛ. N bɔ-tumɛ ara ke duninya rɔ.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

2 Pita 1:2

Alamɛ Alla hinara wo la ka yisi-kimɛ di wo ma duk! Alamɛ wola lɔnnɛ kuma-sara Alla anubɛ ma Mari Yisa wara-koe rɔ.

2 Pita 1:3

Alla ye a fɛ, ma ni ata gbiliyɛ anubɛ ata nyimayɛ sɔrɔn a fɛ bawo ma ya a lɔn min ya ma kele. Lɔnnɛ wo baraka rɔ, ma makoe ye fan min bɛɛ la ka Alla diyana-koe kɛ, wo bɛɛ dinɛ ma ma.

2 Pita 1:8

Wo makoe ye kɛ-nya-sifa kɛnu denu na. Ni wonu bi wo bolo ka wara, wo ara min lɔn ma Mari Yisa, Allata-Mɔgɔ-Yabɔnɛ wara-koe rɔ, wo si a ma, wo ni wola wɔlɛ kɛ a kin na ka ko-nyinya Allata mɔgɛnu ma.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.