Filipai 3:3 - ALLALA KUMƐ

³ ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Filipai 3:3 ပူးပေါင်းရင်းမြစ်များ

Yaburi 105:3

Wo ni sewa bawo Mari halalɛ le male la. Min damasi ye ale batola, wonu ni sewa.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Romu 1:9

N sere le Alla la ko n bi min fɔ tinɛ, tonyɛ le. N bi wɔlila Alla le ye n yisi bɛɛ la ka ala danta kibara-nyimɛ wara-koe fɔ. Alla ya a lɔn ko wati bɛɛ, n bi n mirila wo ma

Romu 15:17

N si ke n nyɛrɛ matɔgɔla nta wɔlɛla ko la Alla ye Kirasiti Yisa baraka rɔ.

Romu 7:6

Hali wo kaka, ma ara hɔrɔya ka bɔ tɔn-kitabu wo kɔrɔ bawo min ya ma bira fɔlɔ-nun ka ma ladon yɔɔnyɛ rɔ, ma ara faga ka bɔ wo kɔrɔ. Ma ma to ma sɔn-kɔrɛnu da kun tɔ fɔ Allata Ni-Sɛnimɛ ye sɔn-kurɛ minnu dila ma ma.

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

Romu 8:39

koe minnu bi san ma wo, koe minnu bi yi kɔrɔ wo, wonu fenfen sa dali-fannu tɛma min si ke mabɛ Allata keninteyɛ farala, ado matɛ le keninteyɛ wo la ma Mari Yisa, Allata-Mɔgɔ-Yabɔnɛ baraka rɔ.

Romu 9:6

N sa a fɔla ko Allala lanyiri ma ko-nyinya n ma bawo Isirɛla kɛnu damasi ma ma Allala mɔgɔ-bɛrɛ la,

2 Kɔrɛnti 11:18

Mɔgɔ siyaman bi anu nyɛrɛ matɔgɔla anuna kɛwɔlɛnuna ko la. Nde fanan si ke wo nyɔgɔn mala,

Kalesiya 5:25

Allata Ni-Sɛnimɛ ara ni-kurɛ di ma ma min kɛ, a fɛrɛ sa fɔ ma ni to ala sɛnbɛ kɔrɔ.

Kalesiya 6:16

Nba, ni min bɛɛ bilanɛ tonyɛ kɛ fɛ, alamɛ yisi-kimɛ anubɛ kinikinɛ dira wonubɛ Allata mɔgɛ bɛɛ ma!

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Tɔn-Fɔɛ-Fila-Nyɔgɛ 10:16

Ka a dabira bi ma, wo ni Marita tɔnnu bira. Wo ni fara tolo-gbɛlɛyɛ la.

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.

Filipai 3:12

N ma a fɔ ko n kɔntɛ ara kɛ n ye. N da fani ma wɛ kɔnɔ n bi n tayala dɛɛ, ado Yisa ara ban nde rabirala ka n ma atɛ la.

Filipai 3:14

Alla wa n kele ko n ni yɛlɛ san ma ka habadan-nimayɛ kɛ Yisa Kirasiti baraka rɔ, nta barayi le wo la. Woletɔ n bi n burila ka n telen dan wo la, yɔ!

Kɔlɔsi 2:11

Wo ara kemininya-su-bɛrɛkɛ sɔrɔn Kirasiti rɔ, fɛrɛta-kemininya ma min na. Ale Yisa ya wo fɛrɛ-bɔnku-nata bɔ wo rɔ ata sayɛ fɛ iko kemininyɛ si do bɔ mɔgɔ fɛrɛ la nya min.

Yude 1:20

Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.