Filipai 3:16 - ALLALA KUMƐ

¹⁶ Kɔnɔ a fɛrɛ sa fɔ ma ni to tala yarɔ iko ma ara wuli a mala nya min nun.

Filipai 3:16 ပူးပေါင်းရင်းမြစ်များ

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Romu 15:5

Nba, Alla min bi munyu anubɛ yisi-kimɛ dila ma ma, alamɛ wo ya wo dɛnbɛ alako wo ni to sɔn kelen tɔ wo nyɔgɔn fɛ ka bila Kirasiti Yisala misalɛ fɛ.

Kalesiya 5:7

Wola dɛnkɛninyɛ ye tala yarɔ nun a kin na, ado ni min ya wo kunyɛ bɔ tonyɛ wo kɔrɔ, wo ma ko-nyimɛ kɛ.

Kalesiya 6:16

Nba, ni min bɛɛ bilanɛ tonyɛ kɛ fɛ, alamɛ yisi-kimɛ anubɛ kinikinɛ dira wonubɛ Allata mɔgɛ bɛɛ ma!

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 2:2

Nba, ni tonyɛ le wo bɛɛ la, n bi wo madiyala ko wo ni nna sewɛ lakanbali worɔ. Miriya kelen anubɛ keninteya kelen ni taran wo tɛma. Wo sɔndɔmɛ anubɛ wo hɛnkili fanan ni ma kelen na.

Filipai 4:2

Yuyodiya anubɛ Sintiki, wo yandi, n bi wo madiyala. Wo ni wo raya ka diya wo nyɔgɔn ye iko na-kelenmɛnu Mari rɔ.

Kɔlɔsi 2:6

Nba, wo ara sɔn Yisa Kirasiti la min kɛ, ko a ni ma wo Mari la, wo ni to ala kumɛ birala wo nya.

Kɔlɔsi 4:2

Wo ni to madiyali kɛla dɛɛ! Wo hɛnkili-lakanɛ ni to baraka-birɛ la madiyalɛ rɔ Alla ye.

Lankɛnimayɛ 3:3

Nba, wo ara min karan wo, anubɛ wo ya min namɔɛn wo, wo hɛnkili ni to wonu ko. Wo ni wonu bira ka wo kɛ-nya yɛlɛma. Ni wo ma kunden, wo hɛnkili sa a ma tumɛ min, n si na kɛ wo ma iko kankan ka wo tɔrɔ.