Filipai 3:1 - ALLALA KUMƐ

¹ Kumɛ kɛ kundɔn, n na-kelen-nyɔgɛnu, alamɛ Mari ya sewa-ba di wo ma. N bara koe minnu sɛbɛ fɔlɔ-nun, a ti gba n na ka wo koenu fɔ tun. Ni n ya wo ma, a si wo tanka nyagbɛ ma.

Filipai 3:1 ပူးပေါင်းရင်းမြစ်များ

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

1 Ko-Kɔrɔta-Karan 16:10

Wo ni sewa bawo Mari halalɛ le male la. Min damasi ye ale batola, wonu ni sewa.

1 Ko-Kɔrɔta-Karan 29:22

Anu bi fen dɔnla wulɔn tele rɔ, anu sewara ka fen-dɔn-kɛ Mari yala. Anu ya Silamɛnina mansayɛ lawasa Mari tɔgɛ rɔ, ado kɛ le mara a fila nyɔgɛ la. Wo kɔma, anu ya Sedokila saraka-masɔ-wɔlɛ lawasa ka dantɛgɛ-tuli kɛ anubɛ mansɛ salɛ rɔ.

Nihɛmaya 8:10

Bɛɛ ni ta a wara ka fen dɔn. Ni minta dɔn-fan anubɛ minni-fan ma a bɔ a bolo, wo ni wonu kele. Tele-sɛnimɛ le kɛ la wota Mari Alla bolo bi. Funun-tele ma bi la. Mari ye sewɛ min dila wo ma, wo si a ma, wo ni to fanka rɔ.”

Yobu 22:26

Wo si a ma, i ni to lala Alla Sɛnbɛ-Bɛɛ-Tigi la. I si a lɔn worɔ ko ale le kelen pe si i lasewa.

Yaburi 149:2

Wole Isirɛla mɔgɛnu ni sewa ka a tɛgɛ wo Dali-Mari ma. Wole Yerusalɛm kɛnu ni sewa wola san-kolo-mansayɛla ko la.

Yaburi 32:11

Ile min telennɛ, i ni sewa ka a tɛgɛ Mari ara min kɛ i ye. Ile min bi ala kumɛ tola a gbɛ rɔ, i ni i kuli mayɛlɛ nyagalan bolo.

Yaburi 33:1

Wole minnu telennɛ, wo ni a lawɔyɔ sewɛ bolo ka a tɛgɛ Mari ara min ma wo ye. Wole minnu bi ala kumɛ birala, wo ni a matɔgɔ.

Yaburi 37:4

I ni Mari diyana-koe kɛ. Wo kɔma, a si i kɔntɔ-koenu kɛ i ye.

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Yaburi 5:11

Kɔnɔ min bɛɛ ye kisi-koe nyinina i bolo, alamɛ wonu tora nyagalen rɔ i bolo ka to sigi sala sewɛ rɔ. Anu yamatogon ila kanan-koe la bawo i di anu ye. Anu si nyagalen bawo i wara min ma anu ye.

Yaburi 97:1

Mansɛ le Mari la woletɔ duninyarɔ-fannu ni sewa. Hali yi-tɛma-duginu fanan ni sewa.

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Sɛfanaya 3:14

E, wole Isirɛla mɔgɛnu, wo kulu-mayɛlɛnɛ ni sigi sa ka nyagalen wo yisi rɔ! Wole Yerusalɛm kɛnu, wo ni nyagalen wo yisi bɛɛ la.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Sakaraya 10:7

A ko Isirɛla mɔgɛnu ta si gbɛlɛya iko kɛlɛ-kurugba-bananu. Anu si sewa iko baantoenu. Anu kegeyɛnu fanan si anu miri nɔ-ko-sɔrɔn-koe kɛ ma. Anu si sewa ka a tɛgɛ ale ara min ma.

Matiyu 5:12

Wo ni sewa ka nyagalen bawo barayi-ba maranɛ wo ye Arinyɛni tɔ, ado anu ya fɔlɔ-nɛbinu bira boloko-yogomɛ-kɛ wo nya na le nun.

Luka 1:47

N niyi sewanɛ nna kisilɛ Allala ko la

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

Tɔn-Fɔɛ-Fila-Nyɔgɛ 12:18

Wobɛ wola dannu anubɛ wola wɔli-kɛlɛnu anubɛ Lifayi mɔgɛ minnu siginɛ wo tɛma, wo damasi ni kɔ-fan kɛnu dɔn wota Mari Allata kan-tina-yabɔnɛ wo rɔ. Wo si sewa nyɔ rɔ ka a tɛgɛ wo ara koe minnu nadan Mari ye.

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

1 Tɛsalonaika 5:16

Wo yisi ni to sewɛ rɔ tumɛ bɛɛ.

Yemesi 1:2

N na-kelen-nyɔgɛnu Kirasiti rɔ, wo wa don kɔrɔbɔli-subolo-siyamɛ rɔ tumɛ min, wo ni wo bɛɛ lɔn sewɛ la.

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 4:13

Kɔnɔ wo ni sewa ko wo ye tɔrɔyɛ sɔrɔnna Kirasiti le fɛ. Wo si a ma, ala gbiliyɛ wa bɔ gbɛ rɔ tumɛ min, wole bɛrɛn si fa sewɛ la wulɔn.

2 Pita 3:1

N diyana-mɔgɛnu, nna kɛdi fila nyɔgɛ le kɛ la n bara min sɛbɛ wo ma gbɛ! N bara n taya kɛdi filɛ kɛ bɛɛ rɔ ko n bara kumɛ minnu sɛbɛ wo ma nun, wo ni wo hɛnkili to sɛbɛna-kumɛ wonu ko a kin na!

1 Samuwɛli 2:1

Hana ya Mari bato. A ko, “Mari ara n yisi lafa sewɛ la. N sewanɛ bawo Mari ara min ma n ye. N si yɛlɛn de n yogenu ma gbɛ! N nyagalennɛ bawo Alla ara n dɛnbɛ.