Filipai 2:9 - ALLALA KUMƐ

⁹ Wola ko la, Alla ya a layɛlɛ san-kole rɔ pon! A ya tɔgɛ di a ma min si a yira ko a tenbira bɛɛ la.

Filipai 2:9 ပူးပေါင်းရင်းမြစ်များ

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 110:5

Mari ye ale mansɛ kɔɛn-nyimɛ wara la. A fonde wa bɔ, a si mansa-siyaman nɔ.

Yaburi 89:27

Ile Alla si a fɔ worɔ ko, “Nna sarɛ le ile la. I kolo mansɛ bɛɛ ko.”

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Aiseya 52:13

Mari ko ala wɔli-kɛlɛ si ala wɔlɛ nɔ le, ado mɔgɛnu si a bi ka a gbiliya.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Luka 10:22

“N Fa ara fan bɛɛ dantɛgɛ n ma. Mɔgɔ-wo-mɔgɔ ma nde, ala dan lɔn fɔ n Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.”

Yɔni 17:11

Nba kaka, n sa duninya kɛ rɔ tun. N bi nala i wara kɔnɔ anu denu si to n kɔma duninya kɛ rɔ. E, n Fa sɛnimɛ! I ya tɔgɛ min di n ma, i ni anu matanka tɔgɔ-sɛnbɛmɛ wo fɛ alako anu ni ma kelen na iko malebɛ ile manɛ kelen na nya min.

Yɔni 17:12

N bi anu fɛ tumɛ min, i ya tɔgɛ min di n ma, n ya anu matanka tɔgɔ-sɛnbɛmɛ wo fɛ. Hali kelen ma to-a-rɔ anu tɔ fɔ ale mɔgɔ kelen min bi nala halakila. A fɛrɛ sa fɔ wo ni ma alako min sɛbɛnɛ Allata kitabu rɔ, wo ni na bɔ-a-la.

Yɔni 17:5

E, n Fa, n bi i fɛ wati min yanni duninya ni dan, gbiliyɛ min bi n bolo wulɔn, i ni wo lasɛgi n ma kaka.

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.

Kɔlɔsi 1:18

Chɔchi kunyɛ le Kirasiti la, a bagbuyi, kɔni. Ale le fɔlɔn wulita furinu tɛma. Wo mara le alako a ni sɔ-tina fɔlɔtɛ sɔrɔn koe bɛɛ rɔ,

2 Tɛsalonaika 1:12

Ma Mari Yisa tɔgɛ si gbiliyɛ sɔrɔn wo bolo worɔ. Wole fanan si a sɔrɔn mata Alla anubɛ Mari Yisa, Allata-Mɔgɔ-Yabɔnɛta hinɛ baraka rɔ.

Hiburunu 1:4

Alla ya ala dan latenbi melikanu na. A ya tɔgɔ min di a ma, wo kolo melikanutɛ ko pirr!

Hiburunu 1:9

Ko-latelennɛ di i ye. Ko-radunɛ gbo i ye. Woletɔ nde ita Alla ya ile yabɔ. N bara i lasewa i ta-nyɔgɔ-mansɛ-bɛɛ ko.”

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 2:9

Kaka, ma ye Yisa le yenna mansayɛ kɛla bonyɛ anubɛ gbiliyɛ rɔ ka a tɛgɛ ata saya-tɔrɔyɛ ma. Melikanu tenbira a la nun wati-kundu-ni kɔrɔ alako a si faga mɔgɛ bɛɛ ye nya min Allata hinɛ baraka rɔ.

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.

2 Pita 1:17

Ma Fa Alla ya bonyɛ anubɛ gbiliyɛ di a ma kɔnkɛ kuma tumɛ min, ma ye nyɔ nun. Ma ya kan-belebele-wɛ lamɔɛn ka bɔ Allata gbiliya-makawanɛ rɔ. A ko, “N diyana-dan le kɛ la, min bara n hɛnɛ feu!”

3 Yɔni 1:7

bawo anu wulita anuna tagama rɔ tumɛ min Kirasiti tɔgɔ rɔ, anu hɛnkili sa dɛnbɛni-ko ma wo bolo, ado anu ma fenfen bɔ dɛnkɛninyabɛlɛnu bolo.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 19:16

Tɔgɛ kɛ sɛbɛnɛ ala duruku-yan anubɛ a wore ma ko, “Mansɛnuna Mansɛ anubɛ marinuna Mari.”

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 5:12

Anu ya a fɔ anu kulu-mayɛlɛnɛ la. Anu ko, “Saga-dan min fagara kɛ, wo le si ke sɛnbɛ anubɛ nɔnfuli anubɛ hɛnkili anubɛ fanka anubɛ bonyɛ anubɛ gbiliyɛ anubɛ tantolɛ bɛɛ sɔrɔnna!”