Filipai 2:30 - ALLALA KUMƐ

³⁰ bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

Filipai 2:30 ပူးပေါင်းရင်းမြစ်များ

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Romu 16:4

Anu bara anu niyi fili nde ye. Mabɛ sibolo-gbɛrɛnuna chɔchi bɛɛ ye baraka birala anu ye.

1 Kɔrɛnti 15:53

A fɛrɛ sa fɔ bagbuyi min si tuli, wo ni yɛlɛma bagbuyi la min ti tuli. Bagbuyi min si faga, wo si yɛlɛma bagbuyi la min ti faga.

1 Kɔrɛnti 16:10

Ni Timoti nara ke wo ma, wo ni a rabira gben, bawo a ye wɔlila Mari ye iko nde fanan bi wɔlila nya min.

1 Kɔrɛnti 16:17

N bara sewa Sitɛfanasi anubɛ Fɔtunati anubɛ Akayika na-koela ko la. Wole sa yan min kɛ, wole si min kɛ nun, wonu bara wo gbɛ bi.

2 Kɔrɛnti 12:15

N si sewa ka n bolo-fan bɛɛ ni wola ko la, hali ka n nyɛrɛ niyi fanan sa a kuma wo dɛnbɛn-koe la. Nta keninteyɛ ye koloyala wo ye min kɛ, wo si a ma, wota keninteyɛ ma ni to yigila n bara la, wa?

2 Kɔrɛnti 4:12

Ma ye ma niyi filila tuma-wo-tuma alako wo ni habadan-nimayɛ sɔrɔn.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Filipai 2:27

Tonyɛ le, a kirayara le. A tora doni, a ni faga kɔnɔ Alla kinikinita a ma, ado ni a lakirayara wo nya, wo si ma tɔrɔya-dan-natenbinɛ la n bolo. Alla ya n tanka wo ma ka kinikini nde fanan ma.

Filipai 4:10

N sewanɛ Mari rɔ kati! A ara wati-yan bɔ, wo ma wo miri n ma n dɛnbɛn-koe la kɔnɔ tɔ-a-la, nna ko-nyimɛ ye wo burɔ. N bara a lɔn ko nna hɔnya ye wo la. Wo ma fɛrɛ le sɔrɔn ka a mayira gbɛ rɔ dɔrɔn.

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

Failiman 1:13

N bi a fɛ nun ko n tenbi yele la kibara-nyimɛla ko la, n ni a mara n fɛ yan. Woletɔ a si n dɛnbɛ ile gbɛ rɔ.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.