Filipai 2:2 - ALLALA KUMƐ

² Nba, ni tonyɛ le wo bɛɛ la, n bi wo madiyala ko wo ni nna sewɛ lakanbali worɔ. Miriya kelen anubɛ keninteya kelen ni taran wo tɛma. Wo sɔndɔmɛ anubɛ wo hɛnkili fanan ni ma kelen na.

Filipai 2:2 ပူးပေါင်းရင်းမြစ်များ

Yaburi 122:8

Ka a tɛgɛ n na-kelen-nyɔgɛnu anubɛ n diyana-mɔgɛnuna ko ma, n ya a fɔ Yerusalɛm ma ko, “Alamɛ yisi-kimɛ taranta i rɔ!”

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

Kɛwɔlɛnu 1:14

Anu dama tora tala anu nyɔgɔn fɛ ladɛn wo rɔ ka to Alla madiyala. Musi donu kofunɛ anu ma, anubɛ Yisa na Mariyama, anubɛ Yisa dɔgɔ-keminɛnu.

Kɛwɔlɛnu 2:1

Ladɛn min tɔgɛ Pɛntikɔsi, wo kera tumɛ min, dɛnkɛninya-mɔgɛ bɛɛ ladɛnnɛ anu nyɔgɔn fɛ kan-tina-kelen.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Kɛwɔlɛnu 5:12

Marita kilayɛnu ya tamasere anubɛ kabana-ko siyaman kɛ mɔgɛnu tɛma. Dɛnkɛninya-mɔgɛ bɛɛ ya anu nadɛn dandan wo kɔrɔ min tɔgɛ ko, “Silamɛnita Dandan Kɔrɔ.”

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

2 Kɔrɛnti 2:3

Wo le ya a to, n ya kɛdi doi wo sɛbɛ wo ma bawo n sa a fɛ ka na wo wara ka diminya wole ma minnu bɛnta ka n nasewa. N lanɛ a la ko n ba sewa tumɛ min, wole fanan sewanɛ worɔ.

2 Kɔrɛnti 7:7

Ala nɛ dɔrɔn fɛ, wo ma. A ya dantɛgɛlɛ sa ka a bɛn wo ya a yisi-kimɛ nya min. Wo ya a ma, ma yisi kimara. N yen-sɔgɛ ya wo bira nya min, a ya wo rakaran ma ye anubɛ wo nimisara nya min. Wo rabɛnnɛ nya min ka n fɛka fanan, n ya wo bɛɛ lamɔɛn tumɛ min, n sewara kati!

Filipai 1:4

ado n ba Alla matara wo ye wati min, n bi a matarala sewɛ la

Filipai 2:20

Male dɛnkɛninya-mɔgɛnu tɛma, wola ko siginɛ mabɛ Timoti le dɔrɔn yisi rɔ gben!

Filipai 4:2

Yuyodiya anubɛ Sintiki, wo yandi, n bi wo madiyala. Wo ni wo raya ka diya wo nyɔgɔn ye iko na-kelenmɛnu Mari rɔ.

Kɔlɔsi 2:5

Hali n bagbuyi sa wo fɛ, nna hɛnkili ye wo ko, ado n sewanɛ ka wo sɔnɛ yen dɛnkɛninyɛ rɔ wo nyɔgɔn fɛ Kirasiti rɔ.

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

2 Timoti 1:4

N bi n mirila i ya-yi-layigi ma, wo le ya a to, i yen-sɔgɛ ye n na bɛrɛkɛ, ado wo le si a diyɛ don n tɔ.

Failiman 1:20

Woletɔ n na-kelen-nyɔgɛ, i yandi, i ni ko-kɛndɛ kelan kɛ kɛ n ye Marila ko la. I ni nde lasewa, i na-kelen-nyɔgɛ Kirasiti rɔ!

2 Yɔni 1:4

N sewara bɛrɛkɛ ka a yen ko ila dan donu tonɛ tonyɛ rɔ iko ma Fa Alla ara a fɔ ma ye nya min.

3 Yɔni 1:4

Ado nfan, ka a lamɔɛn ko nna dannu tonɛ tonyɛ rɔ, fenfen ti n nasewa ka tenbi wo la.