Filipai 2:14 - ALLALA KUMƐ

¹⁴ Wo tenbi ko-wo-ko kɛla, wo kana a kɛ gbunyɛ rɔ. Wo kana sɔsɔli sa wo nyɔgɔn tɛma.

Filipai 2:14 ပူးပေါင်းရင်းမြစ်များ

Yaburi 106:25

Anu sigira anuna fani-bɔnnu na ka don gbunya-kuma-fɔɛ rɔ. Anu ma sɔn anu tole masɔla Mari la mumɛ!

Hɛnkilimaya-Kumɛnu 13:10

Wasinteyɛ si na kɛlɛ-nyɔgɔnyɛ le la kɔnɔ min si a tole masɔ kawandili-kan la, hɛnkilimɛ le wo tigi la.

Yilan-Yilan Koe 14:27

“Mɔgɔ-yogomɛ kɛnu si to gbunya-kumɛ fɔla n ma ha wati mintan? Mɔgɛ kɛnuna gbunya-kumɛ sɔgɔ-wo-sɔgɔ sa n na tun!

Matiyu 20:11

Anu ya anuna wodi bira tumɛ min, anu ya da-kɔrɔ-kumɛ dabira sɛni-tigi ma.

Maraka 14:5

A ma si yira nun san-kelen-sarɛ la ka wodi wo di bolo-kolɔnnu ma!” Anu ya musi wo makuma bɛrɛkɛ!

Maraka 9:14

Anu mɔgɔ nani kera Yisala karan-dan doinu ma tumɛ min, anu ya nyama-belebele yen nyɔ. Tɔn-karan-mɔgɛ donubɛ ala karan-dan donu bi anu nyɔgɔn sɔsɔla.

Luka 5:30

Farisi anubɛ tɔn-karan-mɔgɛ minnu bi anu tɛma, wonu gbunyara Yisala karan-dannu ma ka anu manyinika ko, “Nfenna wo ye fan dɔnna duti-makelelɛnu anubɛ hakɛ-tiginu fɛ?”

Kɛwɔlɛnu 15:2

Kɛ mara sɔsɔli-belebele la Pɔli anubɛ Banabasi anubɛ mɔgɔ wonu tɛma. Woletɔ anu ya a latɛgɛ ko Pɔli wo, Banabasi wo, anubɛ Antiyaki kɛ donu ni ta Yerusalɛm alako Yisata kilayɛnu anubɛ nyɔ-mɔgɔ-banu ni anu kun nayigi kumɛ kɛla ko la.

Kɛwɔlɛnu 15:39

Wo mara sɔsɔli-belebele la anu tɛma ha anu farata anu nyɔgɔn na. Banabasi ya Yɔni-Maraka bi. Wonu donta kulɔn rɔ ka ta Saiparasi yi-tɛma-dugi rɔ.

Kɛwɔlɛnu 15:7

Anu mɛra sɔsɔli siyaman sala. Tɔ-a-la, Pita ya a lasɔ. A ko, “N na-kelen-nyɔgɛnu, wo ya a lɔn ko Alla ara nde yabɔ wo tɛma kebi fɔlɔ ka Yisata kibara-nyima-kawandili bɔ sibolo-gbɛrɛnu ye alako anu fanan ni a lamɔɛn ka dɛnkɛninya.

Kɛwɔlɛnu 6:1

Karan-dannu yatɛ tora siyayala kɔnɔ wati do kenɛ, Yahudiya minnu bi anu nyɛrɛ kan fɔla wo, Yahudiya minnu bi Kiriki kan fɔla wo, kumɛ wulita wonu tɛma. Yahudiya Kiriki-kan-fɔlɛnu ko dɔn-fan min tafaranɛ mɔgɛnu tɛma tele-wo-tele, anuta kɛɛ-musinu sa anutɛ sɔrɔnna dɔn-fan wo rɔ.

Romu 12:18

Wo ni wo sɛ-koe-bɛɛ kɛ ka to yisi-kimɛ rɔ mɔgɛ bɛɛ fɛ.

Romu 14:1

Mɔgɛ minnuta dɛnkɛninyɛ ma kolo wo tɛma, wo ni wonu tabira. Ka a fɔ ko kɛ bɛnta, kɛ ma bɛn, wo sɔsɔli-sufa kana na wo tɛma.

Romu 16:17

N na-kelen-nyɔgɛnu, n bi wo madiyala ko wo ni a ma wo fɛrɛma mɔgɛ wonuna ko la minnu bi dan-nafarɛ kɛla wo tɛma. Wonu bi mɔgɛnu nasamala ka anu bɔ anuna dɛnkɛninyɛ rɔ. Wo ara karan-bɛrɛ min sɔrɔn, anu bi wo tinyana. Wo ni wo masɛgi mɔgɛ wonu na feu,

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

Kalesiya 5:15

Kɔnɔ ni wo tora ko ladanna iko sogo-feremɛnu ka wo nyɔgɔn madumɛ ka wo nyɔgɔn dɔn, feda worɔ, wo ni a ma wo fɛrɛma, ni wo ma, wo si wo nyɔgɔn kasara pɔ!

Kalesiya 5:26

Ma kana wasi. Ma kana ma nyɔgɔn nadiminya. Ma kana ma nyɔgɔn makeliya.

Filipai 2:3

Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ!

1 Tɛsalonaika 5:13

Wo ni anu bira gbiliyɛ anubɛ keninteyɛ rɔ ka a tɛgɛ anu bi wɔlɛ min kɛla wola ko la. Wo ni to yisi-kimɛ rɔ dɛɛ!

1 Tɛsalonaika 5:15

Wo kana sɔn, mɔgɔ-wo-mɔgɔ ni ko-yoge sara ko-yoge la. Tuma-wo-tuma, wo ni to ko-nyimɛ kɛla wo nyɔgɔn ye anubɛ mɔgɛ bɛɛ.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

Yemesi 1:20

ado mɔgɔta diminyɛ ti Allala telenbagayɛ labɔ gbɛ ma iko a ya a latɛgɛ nya min.

Yemesi 3:14

Kɔnɔ ni keliya-yogomɛ ye i yisi rɔ, ado i ye koe bɛɛ bɛnna i nyɛrɛ le ma dɔrɔn, i kana i nyɛrɛ matɔgɔ ka a tɛgɛ ila hɛnkilimayɛ ma. I wara tonyɛ boloka worɔ ka foninya-yogoma-wɛ sa tele la.

Yemesi 5:9

N na-kelen-nyɔgɛnu, wo kana gbunya wo nyɔgɔn kɔrɔ, ni wo ma, Alla si wo kiti tɛgɛ. Wo ni wo yɛ lata. Kiti-tɛgɛlɛ sɔnɛ dɛ la. A sɔgɛ ye a la, a ni don.

1 Pita 3:11

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

1 Pita 4:9

Wo ni wo nyɔgɔn yiya, ado yisi-magboyɛ kana taran a rɔ.

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.