Filipai 2:12 - ALLALA KUMƐ

¹² Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Filipai 2:12 ပူးပေါင်းရင်းမြစ်များ

Ɛsira 10:3

Ma dama ni lanyiri kiri Alla ye gben ko ma si ma ban musi kɛnubɛ anuna dannu na ka anu gben. Ma si a ma iko ile Ɛsira anubɛ i ta-nyɔgɛ Allata-tɔn-lɔnnɛnu bi a fɔla ma ye nya min. Ma si a ma iko Allata tɔn ye a fɔla ma ye nya min.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 2:11

Wo ni wɔli Mari ye ka a gbiliya. Wo ni sewa ka kilan a la.

Hɛnkilimaya-Kumɛnu 10:16

Ko-nyima-kɛ-sarɛ le simayɛ la kɔnɔ ko-yogoma-kɛ-sarɛ si na tɔrɔyɛ la.

Hɛnkilimaya-Kumɛnu 13:4

Fan-sɔgɛ ya tinya-mansɛ bira nya-wo-nya, a ti a sɔrɔn kɔnɔ sɛbɛ-donnɛ nyinita fenfen ma, a si wo sɔrɔn.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Matiyu 11:12

Ka a dabira Yɔnila kawandili-bɔ-wati ma, ha ka a sigi bi tele nyɛrɛ la, karagbɛlɛnu bi anu tayala Allala mansayɛ kɛlɛla ka ala fanka bi anu nyɛrɛ ye fɔrɔsɛ la.

Matiyu 11:29

Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Kɛwɔlɛnu 16:29

Yele-makandannɛ wo ya lɛnpu makele. A donta tiriya! A yɛrɛyɛrɛnmatoe ya a sa Pɔli anubɛ Sailasi kɔrɔ.

Kɛwɔlɛnu 9:6

Kɔnɔ i lasɔ. I ni ta soe. I ye nala min mala gbɛ, mɔgɛ do si na wo fɔ i ye nyɔ.”

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

1 Kɔrɛnti 2:3

ado n bi wo tɛma tumɛ min, n sɛnbɛ sa nun. N fɛrɛ bɛɛ ye yɛrɛyɛrɛnna kilan bolo.

1 Kɔrɛnti 4:14

N bara min sɛbɛ wo ma kɛ la, n ma a sɛbɛ alako ka wo lamiliya kɔnɔ ka wo makawandi iko n diyana-dannu,

2 Kɔrɛnti 7:15

Taitala keninteyɛ tora warala wo ye kati! Wo dama ya ala kumɛ bira nya min wo, wo ya a labɛn kilan anubɛ yɛrɛyɛrɛn la nya min wo, a hɛnkili tonɛ wo bɛɛ ko.

Ɛfɛsa 6:5

Wole yɔɔnnu, wo ni wo tiginuna kumɛ bira kilan anubɛ yɛrɛyɛran rɔ. Wo ni wola wɔlɛ kɛ wo yisi bɛɛ la iko wo ye a kɛla Kirasiti ye nya min.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 1:29

Wo ara fɛrɛ sɔrɔn ka dɛnkɛninya Kirasiti ma. Kɔnɔ a ma dan wo dɔrɔn ma. Wo ara fɛrɛ sɔrɔn ka tɔrɔ fanan ala ko la.

Filipai 1:5

bawo wo ara n dɛnbɛ kibara-nyimɛ lakela kebi fɔlɔ ha kaka.

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

Filipai 2:19

Ni n Mari Yisa sɔnta, n si Timoti lata wo ma yona, woletɔ n ba wo wara-koe lamɔɛn, n yisi si kimɛ.

Filipai 4:1

Woletɔ n na-kelen-nyɔgɛnu, wola ko di n ye dɛɛ! Wo yen-sɔgɛ ye n na bɛrɛkɛ! Wo ara n nasewa kati, ado n wasinɛ wola ko la a nya ma. N diyana na-kelen-nyɔgɛnu, wo ni wo sɔ gben Marila koe rɔ.

Filipai 4:15

Wole Filipai kɛnu nyɛrɛ ya a lɔn serr, ko n wuli-san le kibara-nyima-kawandili bɔla, n bɔ-san Masidoniya tumɛ min, chɔchi-gbɛrɛ ma n dɛnbɛ fɔ wole. Wole le dɔrɔn ya tɔnɛ anubɛ bɔnɛ sɔrɔn n fɛ.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Hiburunu 4:1

Nba, Alla ya lanyiri kiri ma ye ko ma si don sulen tinɛ wo rɔ, ado lanyiri wo tonɛ a ma min kɛ, ma ni a ma ma fɛrɛma ko ma fenfen kana na foo sulan wo la iko ma benbanu.

Hiburunu 4:11

Nba, ma ni ma raya worɔ alako ma ni sulen tinɛ wo masɔrɔn. Ma fenfen kana ma kuma-birabɛlɛ la iko anu denu ya a ma nya min. Wo le ya a ma, anu foora Allata sulen tinɛ la.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.