Filipai 1:9 - ALLALA KUMƐ

⁹ Nta madiyalɛ le kɛ la ko wola keninteyɛ ni to koloyala dɛɛ! Wo ni lɔnnɛ anubɛ hɛnkili-kanbalinɛ sɔrɔn wo bɛɛ rɔ.

Filipai 1:9 ပူးပေါင်းရင်းမြစ်များ

Yobu 17:9

Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Yaburi 119:66

N karan hɛnkili anubɛ ko-kɔrɔ-lɔn la bawo n lara ita tɔnnu na.

Hɛnkilimaya-Kumɛnu 4:18

Kɔnɔ mɔgɔ-telennɛnuna telenbagayɛ si to koloyala iko teleta waan si to koloyala nya min ka a bi sɔgɔma ha tele-latelan.

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

2 Kɔrɛnti 8:7

Dɛnkɛninyɛ ye wo bolo, wo kusan kumala, ado lɔnnɛ ye wo bolo fanan. Wo ara wo raya ka dɛnbɛnɛ kɛ anubɛ ka wola keninteyɛ yira ma la. Wo ara ma-a-la koe wo bɛɛ rɔ. Woletɔ ma ye a fɛ, wo ni keninteya-wɔlɛ kɛ fanan kɛ foninsereyɛ la.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

Kɔlɔsi 1:9

Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

Kɔlɔsi 3:10

Wo ara ko-kurɛ bila wo kan na. Ko-kurɛ kɛ ladanta Alla le bolo, ado a ye tola wo lakurayala alako a ni to wo lakanbalila Yisa-nyɛrɛ-lɔn-koe rɔ. Ale le ya ko-kurɛ kɛ ladon wo yisi rɔ.

1 Tɛsalonaika 3:12

Alamɛ Mari ya wola keninteyɛ lakoloya wo nyɔgɔn ye anubɛ mɔgɛ bɛɛ ye dɛɛ! A ni to a lakoloyala iko matɛ koloyanɛ wole wara la nya min.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

Failiman 1:6

N bi Alla madiyala ko ma ye ta-nyɔgɔnyɛ min kɛla i fɛ dɛnkɛninyɛ rɔ, wo ni a ma, i ni Allata duwɛ bɛɛ nya-yen, ado Alla ya min bɛɛ ma ma ye, wo ye ma bolo Kirasiti baraka rɔ.

Hiburunu 5:14

Kɔnɔ kinanu si dɔn-fen-bɛrɛ dɔn. Minnu bara koloya, wonu bara ko-nyimɛ anubɛ ko-yogomɛ dan-nafarɛ makaran.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.