Filipai 1:8 - ALLALA KUMƐ

⁸ N bi n miri-wɛ min kɛla wo ma, wo ye bɔla Kirasiti Yisa nyɛrɛ le yisi rɔ. N ba wo fɔ, Alla ye n sere la ko n bi tonyɛ le fɔla wo la.

Filipai 1:8 ပူးပေါင်းရင်းမြစ်များ

Yobu 16:19

Sereyɛ do ye n bolo Arinyɛni tɔ. A si sɔ nta kumɛ la nyɔ.

Aiseya 16:11

N bi kurunna Mohabu kɛnuna ko la iko anu tenbi bɔlɔn fɔla saya-koe kuma. N yisi tinyanɛ Kiri-Harɛsɛti soela ko la.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Luka 1:78

bawo mata Alla, kinikini anubɛ hina-tigi le. Ma kisilɛ ye nala ma wara la iko sun-tele-tiyi.

Romu 1:9

N sere le Alla la ko n bi min fɔ tinɛ, tonyɛ le. N bi wɔlila Alla le ye n yisi bɛɛ la ka ala danta kibara-nyimɛ wara-koe fɔ. Alla ya a lɔn ko wati bɛɛ, n bi n mirila wo ma

Romu 9:1

Kirasititɛ le nde la. N sa foninyɛ fɔla fɔ tonyɛ. Allata Ni-Sɛnimɛ anubɛ n sɔndɔmɛ le n sere la ko n ba a fɔ ko n yisi tɔrɔnɛ, n sa foninyɛ fɔla bawo ata Ni-Sɛnimɛ ye n sɔndɔmɛ marala. Nna mɔgɛnuna kinikininɛ ye n tɔ. Male Yahudiyanu, ma bɛɛsi, yele kelen de ma la. Alamɛ n donta Allala dankɛ kɔrɔ, ado Kirasiti ni a ban n na, ni wo si a ma, anu ni kisi.

2 Kɔrɛnti 13:9

Hali male rafaganɛ kɔnɔ ni wole sɛnbɛ kolo, wo le si ma lasewa. Woletɔ ma ye Alla matarala ko fɛɛ-wo-fɛɛ kana taran wo la.

2 Kɔrɛnti 6:12

Wole ma gboya male ye kɔnɔ male le gboyara wo ye.

2 Kɔrɛnti 7:15

Taitala keninteyɛ tora warala wo ye kati! Wo dama ya ala kumɛ bira nya min wo, wo ya a labɛn kilan anubɛ yɛrɛyɛrɛn la nya min wo, a hɛnkili tonɛ wo bɛɛ ko.

Kalesiya 1:20

Alla le n sere la! N bi min sɛbɛla kɛ, tonyɛ le serr! N sa foninya fɔla.

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

Filipai 2:1

Ka a fɔ ko Kirasiti siginɛ wo yisi rɔ, kumɛ wo ti wo sɛnbɛ don, ba? Ala keninteyɛ ti wo yisi-kimɛ, wa? Wo ye ta-nyɔgɔnyɛ kɛla ata Ni-Sɛnimɛ baraka rɔ, a sa wo nya? Wo sa kinikinɛ anubɛ nyɔgɔn-keni kɛla, wa?

Filipai 2:26

A sɔgɛ ye a la ka wo dama yen, ado a yisi sani ma bawo wo ara a lamɔɛn ko a kirayara.

Filipai 4:1

Woletɔ n na-kelen-nyɔgɛnu, wola ko di n ye dɛɛ! Wo yen-sɔgɛ ye n na bɛrɛkɛ! Wo ara n nasewa kati, ado n wasinɛ wola ko la a nya ma. N diyana na-kelen-nyɔgɛnu, wo ni wo sɔ gben Marila koe rɔ.

Kɔlɔsi 2:1

N bara wɔli-gbɛlɛmɛ min kɛ wobɛ Leyodisiya kɛnu ye, n ni wo lalɔn wo la. N bara tɔrɔ dɛnkɛninya-mɔgɛ donu ye minnu ma n yen bɛ.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

1 Tɛsalonaika 2:5

Wo ya a lɔn serr, ko ma ma darɔ-diyɛ kɛ wo ye alako wo ni mala kumɛ bira. Ma sa bilala mɔgɔna-wodi fɛ, ado ma sa ma nyɛrɛ diyana-koenu kɛla dogɔn rɔ. Alla le ma sere la!

1 Tɛsalonaika 2:8

Nba, ka a tɛgɛ mala keninteyɛla ko ma wole ye, ma rabɛnnɛ ka Allala kibara-nyimɛ lake wo ma hali ka ma nyɛrɛ niyi fanan sa wo kuma. Wo diyara ma ye kati!

2 Timoti 1:4

N bi n mirila i ya-yi-layigi ma, wo le ya a to, i yen-sɔgɛ ye n na bɛrɛkɛ, ado wo le si a diyɛ don n tɔ.

Failiman 1:12

N bi a lasɛgila i ma kaka, ado ale di n ye kati!

Failiman 1:20

Woletɔ n na-kelen-nyɔgɛ, i yandi, i ni ko-kɛndɛ kelan kɛ kɛ n ye Marila ko la. I ni nde lasewa, i na-kelen-nyɔgɛ Kirasiti rɔ!

1 Yɔni 3:17

Ni nɔnfuli ye mɔgɛ do bolo, a ni a yen ko a na-kelen-nyɔgɛ makoe ye fan do la kɔnɔ a ma kinikini a ma, wo si a fɔ kama ko Allala keninteyɛ ye a yisi rɔ?