Filipai 1:7 - ALLALA KUMƐ

⁷ Wo ye n yisi le tɔ wati bɛɛ! Woletɔ a bɛnnɛ ka n miri wo ma wo nya le. Alla ara hɛrɛ min di n ma kɛ, wo ara wotɛ sɔrɔn n fɛ wo bɛɛ rɔ. N bi yele la wo, n hɔrɔyanɛ tumɛ min wo, ma nɔrɔta kibara-nyima-fɔɛ ma ka a lasabati bɛrɛkɛ ma fɛ.

Filipai 1:7 ပူးပေါင်းရင်းမြစ်များ

Kɛwɔlɛnu 20:23

N ba ta soe bɛɛ rɔ, Allata Ni-Sɛnimɛ ye n nalɔnna ko yelela-don anubɛ tɔrɔyɛ ye n makɔnɔna Yerusalɛm.

Kɛwɔlɛnu 21:33

Kun-tigi-ba wo tara Pɔli bira tinɛ. A ya a fɔ ala kɛlɛ-dannu ye ko anu ni a kiri yɔlɔkɔ fila la. Wo kɔma, a ya nyinikalɛ kɛ ko, “Yon bi kɛ la? A ya nfen tinya?”

1 Kɔrɛnti 13:7

Keninteyɛ ti kuri tɔrɔyɛ kɔrɔ mumɛ! A ti ala dɛnkɛninyɛ boloka, ado yisi-latɛgɛ ye a bolo duk! Ko-wo-ko wa ma a la, a si a munyu ha!

1 Kɔrɛnti 9:23

N bi wo bɛɛ kɛla kibara-nyimɛ lela ko la alako mabɛ wonu ni barayi sɔrɔn ma nyɔgɔn fɛ.

2 Kɔrɛnti 3:2

Wole nyɛrɛ le mala kɛdi la min sɛbɛnɛ ma yisi rɔ alako bɛɛ si ke a karanna nya min ka mala wɔlɔ-nyimɛ lɔn wo tɛma.

2 Kɔrɛnti 7:3

N ma kɛ fɔ alako ka wo rasɛ. Iko n ya a fɔ nya min nun, ma belinɛ wo, ma faganɛ wo, wola ko ye ma yisi rɔ tolon! Wola ko di ma ye kati!

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Ɛfɛsa 6:20

Bawo hali n bi yele la kaka, kilayɛ le n na kibara-nyimɛla ko la. Woletɔ wo ni Alla matara n ye ko n ni kuma yisi-latɛgɛ rɔ iko a bɛnnɛ n ni kuma nya min.

Filipai 1:12

N na-kelen-nyɔgɛnu, n bi a fɛ, wo ni a lɔn ko koe minnu kɛra n na yan, wonu bara kibara-nyimɛ dɛnbɛ ka a lata yarɔ.

Filipai 1:13

Mansa-kandannɛnu anubɛ yan-mɔgɛ bɛɛ ara a lɔn ko n bi birɛ rɔ ka a tɛgɛ Kirasiti wara-koe ma.

Filipai 1:14

N bi yele la min kɛ, wo ara yisi-latɛgɛ di yan-dɛnkɛninya-mɔgɔ-siyaman ma. Woletɔ anu yisi ragbɛlɛyanɛ wati bɛɛ Allala kumɛ kawandili-bɔɛ ma. Anu kilanni ma tun.

Filipai 1:5

bawo wo ara n dɛnbɛ kibara-nyimɛ lakela kebi fɔlɔ ha kaka.

Filipai 2:22

Wole nyɛrɛ ya a lɔn Timoti mara lanaya-mɔgɛ la nya min. Ale ara ma n ye iko n nyɛrɛta dan, ado a wɔlita nde fɛ kibara-nyimɛla ko la.

Filipai 4:14

Hali wo, wo ya n dɛnbɛ nta tɔrɔyɛ rɔ min kɛ, wo bɛnta kati!

Filipai 4:15

Wole Filipai kɛnu nyɛrɛ ya a lɔn serr, ko n wuli-san le kibara-nyima-kawandili bɔla, n bɔ-san Masidoniya tumɛ min, chɔchi-gbɛrɛ ma n dɛnbɛ fɔ wole. Wole le dɔrɔn ya tɔnɛ anubɛ bɔnɛ sɔrɔn n fɛ.

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Kɔlɔsi 4:18

Nde, Pɔli ara kɔndɔli kɛnu sɛbɛ n nyɛrɛ bole la. Wo kana nyina ka a fɔ ko n kirinɛ yɔlɔkɛ la yele la yan! Allata hinɛ ni taran wo fɛ.

Kɔlɔsi 4:3

Wo ni Alla matara male fanan ye alako Alla ni fɛrɛ-nyimɛ di ma ma ka Kirasitila gbundu-koe lake nya min, ado ka a tɛgɛ wo le ma, n bi yele la kaka.

1 Tɛsalonaika 5:5

Waan anubɛ teleta mɔgɛ le wo dama la min kɛ, wo kɛ-nyanu ni bɛn anu ma. Suyi anubɛ pinpita mɔgɔ ma male la.

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

Failiman 1:13

N bi a fɛ nun ko n tenbi yele la kibara-nyimɛla ko la, n ni a mara n fɛ yan. Woletɔ a si n dɛnbɛ ile gbɛ rɔ.

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

1 Pita 4:13

Kɔnɔ wo ni sewa ko wo ye tɔrɔyɛ sɔrɔnna Kirasiti le fɛ. Wo si a ma, ala gbiliyɛ wa bɔ gbɛ rɔ tumɛ min, wole bɛrɛn si fa sewɛ la wulɔn.

1 Pita 5:1

Wole chɔchi-mɔgɔ-banu, n bi kɛ sɛbɛla ka wo kɔntɔ-diya. Chɔchi-mɔgɔ-ba le nde fanan na, ado Kirasiti ara tɔrɔyɛ minnu sɔrɔn, wo sereyɛ le nde la. Nde fanan si bɛn gbiliyɛ wo rɔ min si na bɔ gbɛ ma.

2 Pita 1:13

Fananta n kɛndɛ, n ni to wo makawandila ka wo hɛnkili bila koe wonu na. N bara n miri ko wɔlɛ wo bɛnnɛ nde ma.

1 Yɔni 3:14

Ma ya a lɔn ko ma ara bɔ sayɛ rɔ ka don nimayɛ rɔ bawo ma ara ma na-kelen-nyɔgɛnu keni. Ni keninteyɛ sa minnu tɔ, wonu bi saya-sɛnbɛ kɔrɔ ha kaka.