Filipai 1:5 - ALLALA KUMƐ

⁵ bawo wo ara n dɛnbɛ kibara-nyimɛ lakela kebi fɔlɔ ha kaka.

Filipai 1:5 ပူးပေါင်းရင်းမြစ်များ

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Romu 11:17

Tumado, ni wola ki-fen-bolɔn donu kerita a la, wo ni firarɔ-kɔn-bolɔn do tugun a la. Wole sibolo-gbɛrɛnu si ma iko fira-kɔn-bolɔn wo. Nba kaka, wobɛ Yahudiyanu bi sɛnbɛ anubɛ niyi sɔrɔnna wo nyɔgɔn fɛ kɔn kelan wo le tɔ.

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Romu 15:26

Chɔchi minnu bi Masidoniya sigisɔn anubɛ Akeya sigisɔn rɔ, wonu bara a latɛgɛ anu nyɛrɛ ma ka bolo-kolɔnnu dɛnbɛ Allala mɔgɛnu tɛma Yerusalɛm.

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

2 Kɔrɛnti 8:1

N na-kelen-nyɔgɛnu, ma ye a fɛ, wo ni a lɔn Alla ara min kɛ Masidoniya chɔchinu ye ata hinɛ fɛ.

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

Filipai 1:12

N na-kelen-nyɔgɛnu, n bi a fɛ, wo ni a lɔn ko koe minnu kɛra n na yan, wonu bara kibara-nyimɛ dɛnbɛ ka a lata yarɔ.

Filipai 1:16

Kɛnu bi a kɛla wo nya keninteyɛla ko la bawo anu ya a lɔn ko Alla ara kibara-nyimɛ fɛka-wɔlɛ di n ma.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 1:7

Wo ye n yisi le tɔ wati bɛɛ! Woletɔ a bɛnnɛ ka n miri wo ma wo nya le. Alla ara hɛrɛ min di n ma kɛ, wo ara wotɛ sɔrɔn n fɛ wo bɛɛ rɔ. N bi yele la wo, n hɔrɔyanɛ tumɛ min wo, ma nɔrɔta kibara-nyima-fɔɛ ma ka a lasabati bɛrɛkɛ ma fɛ.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Filipai 2:22

Wole nyɛrɛ ya a lɔn Timoti mara lanaya-mɔgɛ la nya min. Ale ara ma n ye iko n nyɛrɛta dan, ado a wɔlita nde fɛ kibara-nyimɛla ko la.

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Failiman 1:17

Woletɔ ni i wara n lɔn i ta-nyɔgɛ la, i ni ale rabira tun iko i si nde rabira nya min.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.