Filipai 1:30 - ALLALA KUMƐ

³⁰ Wo ya n yen kɛlɛ kelen min kɛla fɔlɔ, n bi kɛlɛ kelan wo kun na ha kaka iko wo ye a lamɔɛnna nya min. Nba kaka, wo ni wo sɔ n fɛ kɛlɛ-kɛ-tinɛ kibara-nyimɛla ko la.

Filipai 1:30 ပူးပေါင်းရင်းမြစ်များ

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Filipai 1:13

Mansa-kandannɛnu anubɛ yan-mɔgɛ bɛɛ ara a lɔn ko n bi birɛ rɔ ka a tɛgɛ Kirasiti wara-koe ma.

Kɔlɔsi 1:29

N bi wɔlila wola ko la ka n taya bɛrɛkɛ! Kirasiti ye fanka min dila ma ma, fanka wo ye wɔlila n tɔ.

Kɔlɔsi 2:1

N bara wɔli-gbɛlɛmɛ min kɛ wobɛ Leyodisiya kɛnu ye, n ni wo lalɔn wo la. N bara tɔrɔ dɛnkɛninya-mɔgɛ donu ye minnu ma n yen bɛ.

1 Tɛsalonaika 2:2

Yanni ma ni ke wo ma Tɛsalonaika, Filipai kɛnu bara ma bira boloko-yogomɛ-kɛ. Mɔgɛnu ya ma lafɛya nyɔ kɔnɔ hali wo, mata Alla ya yisi-latɛgɛ di ma ma ko ma ni ata kibara-nyimɛ fɔ wo ye.

1 Timoti 6:12

I ni i se-koe-bɛɛ kɛ ka ta yarɔ dɛnkɛninya-koe rɔ, woletɔ i si habadan-nimayɛ bira i bolo filɛ la i nyɛrɛ ye. Alla ya i kele niyi wo le ma, wo tumɛ i ya sereya-nyimɛ yira dɛnkɛninya-koe rɔ sereya-siyaman yala.

2 Timoti 4:7

N bara n buri-nyimɛ kɛ, ado n bi buri-kɛ min na, n bara ke a dan ma. N bara lanayɛ bɛɛ kɛ.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Hiburunu 12:4

Wo ma hakɛ kɛlɛ wɛ, ha ka faga wola ko la.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.