Filipai 1:11 - ALLALA KUMƐ

¹¹ Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Filipai 1:11 ပူးပေါင်းရင်းမြစ်များ

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Aiseya 5:2

A ya kan tinɛ wo rasin ka kurinu tɔnbɔn a rɔ. A ya ki-fen-hakikɛnu ki nyɔ. A ya bɛndɛ-layan-bɛ sɔ nyɔ tɛma a makandan-koe la. A ya bondɔn sɔ ki-fan wonu gbɔɛla ko la. A ya a to ha kɔn-gbɔɛ wonu mɔra a kin na kɔnɔ kɔn-gbɔɛ wonu kuna iko kotuli.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 61:11

Iko dugi ye ki-fannu nafɛrɛnna nya min sundi rɔ, Mari si a ma, telenbagayɛ anubɛ tantolɛ ni fɛrɛn sibolenu ya la wo nya na le.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 15:2

Bolɔn min bɛɛ ye nde ma, minnu ti gbɔ, a si wonu gbendan a ma. Bolɔn min bɛɛ ye gbɔla, a si wonu matɛgɛ, woletɔ anu si gbɔ bɛrɛkɛ!

Yɔni 15:8

Ni wo gbɔra bɛrɛkɛ, n Fa Allala gbiliyɛ si bɔ gbɛ rɔ wo fɛ. Woletɔ wo si ma nna karan-den-bɛrɛnu na.

Romu 15:28

N ba ban wodi wo dantɛgɛla anu ma, n tenbi tala Sipeni, n si tenbi wo kɔndɔnna nyɔ.

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

2 Kɔrɛnti 9:10

Alla le ye sugi dila sɛni-salɛ ma anubɛ a si min dɔn. A si sugi bɛɛ di wole fanan ma ka wola sɛnɛnu nasabati alako wo ni fan ni bolo-kolɔnnu ma duk!

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Ɛfɛsa 1:14

Alla ara wo yili-madiya koe min na, wo dabirɛ le ale ata Ni-Sɛnimɛ la ma ye. Ma lanɛ a la feu, ko Allatɛ ye minnu na, a si hɔrɔya-kanbalinɛ di wonu fanan ma. Ma ni a tanto wona ata gbiliyɛla ko la!

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Ɛfɛsa 5:9

Minnu bi waan rɔ, wonu si to ko-nyimɛnu kɛla ka ko-telennɛnu ma ka tonyɛ fɔ mɔgɛnu ye.

Filipai 4:17

A ma ma, n makoe ye kɔ-fen na wo bolo. Min fisa, n ni to wo yenna sabatila ka a tɛgɛ wota foninsereyɛ ma. Wo le di n ye,

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

2 Tɛsalonaika 1:12

Ma Mari Yisa tɔgɛ si gbiliyɛ sɔrɔn wo bolo worɔ. Wole fanan si a sɔrɔn mata Alla anubɛ Mari Yisa, Allata-Mɔgɔ-Yabɔnɛta hinɛ baraka rɔ.

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

Hiburunu 12:11

Ma tenbi kolole kɔrɔ, a ti ma sewɛ la ma ye wo wati kɔrɔ. A gbɛlɛ, ado a si ma ladiminya. Kɔnɔ tɔ-a-la, min bara a munyu kolole wo kɔrɔ, wonu si yisi-kimɛ sɔrɔn bawo wonu bi ko-latelennɛ le kɛla.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.