Filipai 1:10 - ALLALA KUMƐ

¹⁰ Wo wa wonu sɔrɔn tumɛ min, wo si ke ka ko kɛndɛ yabɔ. Kirasiti wa na kiti tɛgɛ tinɛ lunyɛ min, alamɛ wo tankara ko-nɔgɔnɛ bɛɛ ma woletɔ mɔgɔ ti fɛɛ yen wo la.

Filipai 1:10 ပူးပေါင်းရင်းမြစ်များ

Ko-Dabirɛnu 20:5

Ala kei le ma a fɔ n ye nun ko a tirisan-musi le, ado musi kɛ fanan ko a tirisan-kei le? N ya musi kɛ bi nun kɔnɔ n ma a lɔn ko n bara ko-yogoma ma.”

Yobu 12:11

Iko dɔn-fan ma si fɛlɛn mɔgɔ nagan ma nya min, tole si kumɛ yabɔ wo nya na le, ni tonyɛ le, ni wo ma, foninyɛ.

Yobu 34:3

Iko dɔn-fan ma si fɛlɛn mɔgɔ nagan ma nya min, tole si kumɛ yabɔ wo nya na le.

Maika 3:2

Ni koe min kin, wo ma di wo ye kɔnɔ ni koe min yogo, wo le di wo ye.

Matiyu 16:23

Yisa ya a yɛ lamunun Pita la, a ko, “Ile, bɔ n fɛ. I ye Setanɛta kumɛ fɔ tinɛ wo la! Lagbaran-fan le ile la kilɛ la nde ye bawo ila miriya kɛ, mɔgɛnu miriya le wo la kɔnɔ Allata miriya ma wo la!”

Matiyu 26:33

Pita ya a fɔ Yisa ye ko, “Hali bɛɛ ya i boloka kɔnɔ nde ti i boloka muk!”

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Yɔni 3:20

Nba, minnu bi ko-yogomɛnu kɛla, wan ma di wonu ye. Anu ti na ke waan ma bawo a ma di anu ye anuna ko-yogomɛnu ni bɔ gbɛ rɔ.

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Romu 16:17

N na-kelen-nyɔgɛnu, n bi wo madiyala ko wo ni a ma wo fɛrɛma mɔgɛ wonuna ko la minnu bi dan-nafarɛ kɛla wo tɛma. Wonu bi mɔgɛnu nasamala ka anu bɔ anuna dɛnkɛninyɛ rɔ. Wo ara karan-bɛrɛ min sɔrɔn, anu bi wo tinyana. Wo ni wo masɛgi mɔgɛ wonu na feu,

Romu 2:18

Alla ye a fɛ, wo ni min ma, wo ya wo lɔn bawo wo ara ko-latelennɛ wo karan tɔn-kitabu rɔ.

Romu 7:16

N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta.

Romu 7:22

ado n sewanɛ n yisi rɔ ka a tɛgɛ Allala tɔn wara-koe ma.

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

1 Kɔrɛnti 1:8

A si wo mara alako fɛɛ kana taran wola dɛnkɛninyɛ la, ha ma Mari Yisa, Allata-Mɔgɔ-Yabɔnɛ wa na tumɛ min.

1 Kɔrɛnti 10:32

Wo kana ma tɔrɔya-sebu la Yahudiyanu anubɛ sibolo-gbɛrɛnu ye, wo ta-nyɔgɛ dɛnkɛninya-mɔgɛnu, kɔni.

1 Kɔrɛnti 8:13

Nba, ni dɔn-fan si a ma, n na-kelen-nyɔgɛ ni hakɛ kɛ, nde nyɛrɛ ti soge dɔn tun wo rɔ mumɛ! N kana n na-kelen-nyɔgɛnu nabui hakɛ rɔ.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

2 Kɔrɛnti 6:3

Ma sa a fɛ, mɔgɔ-wo-mɔgɔ ni fɛɛ yen mala wɔlɛ la. Woletɔ ma ye ma rayala ko ma kana kin-natugu-fan sa kilɛ la mɔgɛnu ye.

2 Kɔrɛnti 8:8

N sa tɔn sigila wo kuma. Donu bara anu taya dɛnbɛni-koe rɔ, woletɔ n ba wo sanka anu ma, n bi a fɛ ka a lɔn ni keninteya-bɛrɛ ye wo bolo wo nya,

Kalesiya 5:11

N na-kelen-nyɔgɛnu, wo ni nta tɔrɔyɛ mafɛlɛn. N sa kawandili bɔla ko fɔ mɔgɛnu ni kemininya kɔnɔ ha bi, anu bi n tɔrɔla. N bi Kirasiti faga-koe min kawandili bɔla, ni n ya kemininya-koe sa wo kuma nun, wo ti Yahudiyanu tɔrɔ.

Ɛfɛsa 4:15

A fisa, ma ni to tonyɛ fɔla ma nyɔgɔn ye keninteyɛ rɔ alako ma ni ma iko Kirasiti min bi ma kunyɛ la.

Ɛfɛsa 5:10

Wo ni wo raya ka Mari diyana-koenu lɔn.

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Ɛfɛsa 6:24

Alamɛ Allata hinɛ tora wo dama fɛ minnu bi ma Mari Yisa, Allata-Mɔgɔ-Yabɔnɛ kenina tɛban!

Filipai 1:16

Kɛnu bi a kɛla wo nya keninteyɛla ko la bawo anu ya a lɔn ko Alla ara kibara-nyimɛ fɛka-wɔlɛ di n ma.

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

1 Tɛsalonaika 3:13

Alamɛ wo yisi ragbɛlɛyara alako ma Mari Yisa anubɛ ata mɔgɔ-sɛnimɛnu ba na tumɛ min, wo sɛninyanɛ ni taran ma Fa Alla yala.

1 Tɛsalonaika 5:21

Wo ni koe bɛɛ fɛsɛfɛsɛ. Min kin, wo ni wo mara gben!

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

Yasowa 24:14

Woletɔ Yasowa ya a fɔ Isirɛla mɔgɛnu ye ko, “Wo ni mata Mari gbiliya ka a bato wo yisi bɛɛ la ka wo telen a ye wati bɛɛ. Wo benbanu ya bɛsi-fuyi minnu kɔ Yufereti bɛ kɔma anubɛ Iyipiti nyamanɛ rɔ, wo ni wonu nakɛ a rɔ. Wo ni mata Mari kelen pe le bato.

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.

Lankɛnimayɛ 2:2

Wole Ɛfɛsa-chɔchi-mɔgɛnu, wo ara min kɛ, n ya wo lɔn. Wo ara wɔlɔ-wɛ min kɛ anubɛ wo ara wo munyu nya min, n ya wo lɔn. N ya a lɔn ko wo ti sɔn mɔgɔ-yogenuna ko ma minnu bi a fɔla ko kilayɛ le anu na kɔnɔ kilaya ma anu na. Wo ara wonu kɔrɔbɔ ka a lɔn ko foninya-fɔlɛ le anu na.