Failiman 1:10 - ALLALA KUMƐ

¹⁰ Nba, n bi i madiyala ila yɔɔn, Onɛsimala ko la. Nna dan le ale la Kirasiti rɔ. N mara a fa la Allata Ni-Sɛnimɛ rɔ, wo tumɛ ma filɛ ye biralɛ rɔ.

Failiman 1:10 ပူးပေါင်းရင်းမြစ်များ

2 Samuwɛli 18:5

Yohabu wo, Abisayi wo, Itayi wo, a ya wonu masara. A ko, “Ka a tɛgɛ ndela ko ma, wo yandi, wo kana ko ma kemini-mɛsɛ wo la, nna den Abasalɔm, kɔni.” Kɛlɛ-dan min bɛɛsi ye nyɔ rɔ, wonu ya Mansa Dawuda yen kɛ fɔla anuna kun-tiginu ye.

Maraka 9:17

Mɔgɔ kelen bi nyama tɛma, wo ya a yabi ko, “Karan-mɔgɔ, n bara na nna dan la i wara bawo nyina-yogomɛ ye a fɛ. A ti ke kumala.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

1 Kɔrɛnti 4:14

N bara min sɛbɛ wo ma kɛ la, n ma a sɛbɛ alako ka wo lamiliya kɔnɔ ka wo makawandi iko n diyana-dannu,

1 Kɔrɛnti 4:15

ado hali karan-mɔgɔ waga-yirika ye wo bolo Kirasiti rɔ, fa kelen de ye wo bolo. N bara kibara-nyimɛ lana wo ma min kɛ, n bara ma wo fa la Kirasiti Yisa rɔ wo nya le.

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

Kɔlɔsi 4:9

Ma na-kelen-nyɔgɛ anubɛ lanaya-mɔgɛ Onɛsima ye tala a fɛ. Wo ta-nyɔgɛ le wo la. Koe min bɛɛ ye kɛla yan, anu si wo bɛɛ rakaran wo ye.

1 Timoti 1:2

N bi kɛdi kɛ latala ile Timoti ma. I manɛ iko n nyɛrɛta dan dɛnkɛninya-kilɛ fɛ. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ kinikinɛ anubɛ yisi-kimɛ di i ma.

Taita 1:4

N bi kɛ sɛbɛla ile Taita ma. I manɛ iko n nyɛrɛta dan bawo ma mɔgɔ filɛ dɛnkɛninyanɛ Yisa ma. Alamɛ ma Fa Alla anubɛ ma kisilɛ Yisa Kirasiti ya hinɛ yira i la ka yisi-kimɛ di i ma.

Failiman 1:11

A ma ko-wo-ko nyinya i ma fɔlɔ-nun kɔnɔ kaka, a ye ko nyinyala ma dama ma, ile wo, nde wo.

Failiman 1:13

N bi a fɛ nun ko n tenbi yele la kibara-nyimɛla ko la, n ni a mara n fɛ yan. Woletɔ a si n dɛnbɛ ile gbɛ rɔ.

3 Yɔni 1:4

Ado nfan, ka a lamɔɛn ko nna dannu tonɛ tonyɛ rɔ, fenfen ti n nasewa ka tenbi wo la.