Ɛsira 8:36 - ALLALA KUMƐ

³⁶ Mansɛ ya kɛdi min don anu bolo, anu tara wo yira Yufereti bɛ tele-yigi waralɛ kun-tiginu anubɛ nyɔ-mɔgɔ-banu na. Wonu dama ya anu dɛnbɛ Bato-Bon-ko-wɔlɛ wo rɔ.

Ɛsira 8:36 ပူးပေါင်းရင်းမြစ်များ

Ɛsira 6:13

Wo kɔma, Tatenayi min bi Yufereti bɛ tele-yigi waralɛ kun na wo, ala kandɛ Setari-Bɔsɛnayi wo, anubɛ nyɔ-mɔgɔ-banu, wonu ya a ma iko Mansa Dariyasi ya a fɔ anu ye nya min.

Nihɛmaya 2:7

Wo kɔma, n ya ale mansɛ manyinika tun kɛdila ko la n si ta min don Yufereti bɛ tele-yigi warala kun-tigi wonu bolo alako n si kilɛ sɔrɔn nya min ka ta Yuda nyamanɛ rɔ.

Ɛsita 3:12

San wo karɛ fɔlɛ, a tele tan-ni-sawa nyɔgɛ ma, Heman ya mansɛla kɛdi-sɛbɛlɛnu kundɛn. A ya sereya do latenbi anu ma alako anu ni a sɛbɛ bɛɛta kan rɔ iko bɛɛta kan si sɛbɛ nya min. Anu ba ban a sɛbɛla, anu ni a don kun-tiginu anubɛ mɔgɔ-ba-malɔnnɛnu bolo nyamanɛ wo tonke bɛɛ rɔ. Anu ya wonu sɛbɛ mansɛ tɔgɔ rɔ. Anu ya mansɛla dɛɛn-kɔlɔnɛ wo bi ka wo mandan sa kɛdi wonu ma.

Ɛsita 9:3

Nyamanɛ wo mɔgɔ-ba-malɔnnɛnu wo, anubɛ mɔgɔ-ba-toenu wo, wonu damasi ya Yahudiyanu dɛnbɛ bawo anu kilannɛ Mɔdekɛyai la.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Kɛwɔlɛnu 18:27

Apɔlɔsi ya a latɛgɛ ko a ni bɔ Akeya sigisɔn rɔ. Woletɔ Marita mɔgɛ minnu bi Ɛfɛsa, wonu ya kɛdi sɛbɛ Marita mɔgɛnu ma Akeya sigisɔn rɔ ko anu ni a rabira nyɔ. A kera nyɔ tumɛ min, minnu dɛnkɛninyara Yisa ma Allata hinɛ baraka rɔ, a ya wonu dɛnbɛ kati!

Lankɛnimayɛ 12:16

Kɔnɔ dugu-kole ya musi wo dɛnbɛ. Dugi-dɛ lakara ka yi wo min min bɔra ninkinankɛ dɛ rɔ.