Ɛsira 8:28 - ALLALA KUMƐ

²⁸ N ban kɛ damasi labɔla, n ya a fɔ anu ye ko, “Wole dantɛgɛni de ma benbanuta Mari Alla ma. Mɔgɛnu nara sɛnɛ anubɛ wodi-gbɛ-miran minnu na Mari ye hɛniki-sarakayɛ la, wonu fanan dantɛgɛnɛ a ma iko wole.

Ɛsira 8:28 ပူးပေါင်းရင်းမြစ်များ

1 Ko-Kɔrɔta-Karan 23:28

Donu si to Aruna kegeyɛnu dɛnbɛna saraka-masɔ-wɔlɛ la. Anu si Bɔn wonubɛ a fɛ le sɛninya woletɔ ni fan minnu sɛninyanɛ, wonu ti kɔsɔ iko tɔn ya a fɔ nya min.

1 Ko-Kɔrɔta-Karan 26:20

Lifayi bɔnsɔn-mɔgɛ donu mara Bato-Bɔn-wodi anubɛ Alla kɔ-fannu-namaralɛnu na.

2 Ko-Kɔrɔta-Karan 24:14

Anu ban Bato-Bɔn wo mabɛnna, sɛnɛ anubɛ wodi-gbɛ-toe minnu tora, anu ya wonu don Mansa Yohasi anubɛ Saraka-Masɔla Yɛhoyada bolo. Anu ya wonu bi ka anu ma Bato-Bon-miran-nadan-fan la. Saraka-Masɔla Yɛhoyadala wati kɔrɔ, anu tora sarakɛnu bɔla a kilɛ fɛ tolon!

Ɛsira 8:27

N ya sɛnɛ-miran mogan don anu bolo minna gbiliyɛ anubɛ yi kalɔn fila ani a talɛ rakɛn. Min sanɛ wo kuma, n ya sila-miran-hakika fila don anu bolo. Wonu sɔnkɛ anubɛ sɛnɛ-miran wonu sɔnkɛ rakɛn.

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Tɔn-Fɔɛ-Fila-Nyɔgɛ 33:8

Musa duwara Lifayi bɔnsɔn-mɔgɛnu fanan ye ka le ko, “Kuru filɛ min tɔgɛ Yurim anubɛ Tumin min bi saraka-masɔla-kun-tigi kɔgɔ-dala-kurɛ ma, ma si Mari sako lɔn wonu fɛ tuma-wo-tuma bawo i ya male Lifayi mɔgɛnu yabɔ i nyɛrɛ ye ila wɔlɛla ko la. I ya Lifayi mɔgɛnu nakɔrɔsi nde, Musa rɔ Kɔrɔbɔ Tinɛ rɔ. Lifayi mɔgɛnu ya yakɔrɔ-mamɔɛ sɔrɔn nde, Musala ko la Sɔnkɔ-Sɔnkɔ Tenke dafɛ.