Ɛsira 8:22 - ALLALA KUMƐ

²² N miliyara le ka mansɛ manyinika kɛlɛ-den so-laburilɛnuna ko ma minnu si ma matanka kilɛ la. N miliyara le bawo n bara ban a fɔla a ye nun ko mɔgɔ-wo-mɔgɔ lanɛ mata Alla la, a si wo tigi dɛnbɛ, ado mɔgɔ-wo-mɔgɔ ya a kan-kɔ sɔ a la, a ti sewa wo tigi la fɔ ka a tɔrɔ.

Ɛsira 8:22 ပူးပေါင်းရင်းမြစ်များ

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 16:9

Mari ye duninya mumɛ bɛɛ kumafɛlɛnna, ado a si ata sɛnbɛ di ata mɔgɔ-latelennɛnu ma. Mansɛ, i wara yuwayɛ kɛ. Ka a bi bi ma ha tumɛ min di ale ye, kɛlɛ ti bɔ i kun ma mumɛ!”

Ɛsira 7:28

Ale Mari baraka le wara a ma, n bara diya mansɛ anubɛ a makawandilɛnu anubɛ ala mɔgɔ-ba-sɛnbɛlamɛnu na. Nta Mari Alla ara sɛnbɛ di n ma ka kuma Isirɛla bɔnsɔn kebila-kun-tigi-siyaman ye alako anu ni sɛgi n fɛ Yerusalɛm soe burɔ.”

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Nihɛmaya 2:9

Mansɛ ya kɛlɛ-den-kun-tigi donu anubɛ kɛlɛ-den-so-laburilɛnu bila n fɛ tɔnkɔnyɔ! Mabɛ wonu tara ha Yufereti bɛ tele-yigi. N ke, n ya mansɛla kɛdinu don nyɔ-kun-tiginu bolo.

Yaburi 20:8

Mɔgɛ wonu ta si mɔlɔkɔn anu kɔrɔ kɔnɔ male si ma lawuli ka ma sɔ gben!

Yaburi 34:22

Mari si ata mɔgɛnu kisi. Minnu bi tala a wara alako Mari ni anu natanka, Mari ti wo tigi tɔrɔ.

Yaburi 90:11

Yon si ke ita fondo-bɔ-fanka lɔnna? Ma si kilan i la iko a bɛnnɛ ka kilan ita fondo-bɔɛ la nya min.

Nimisa Koe 3:25

Mari si ko-nyimɛ kɛ mɔgɛ wonu ye minnu bi a nyinina anu yisi bɛɛ la.

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

1 Kɔrɛnti 9:15

Kɔnɔ nde ma yoe wo fenfen bi, ado n sa kɛ sɛbɛla fanan kaka alako n ni yoe wonu bi n nyɛrɛ ye. Yanni n ni fara n nyɛrɛ matɔgɔla nna sarabirabɛlitayɛla ko la, n faganɛ fisa wo ko!

2 Kɔrɛnti 7:14

N ya n nyɛrɛ kɔgɔ raka wolela ko la a ye, ado wo ma n namiliya. Iko ma nɔrɔta tonyɛ ma nya min, mata kɔgɔ-rakɛ fanan mara tonyɛ la wo nya le.

Hiburunu 10:38

Hali wo, nta mɔgɔ-latelennɛnu si to anuna dɛnkɛninyɛ rɔ. Kɔnɔ ni anu fenfen ya anuna dɛnkɛninyɛ boloka, wo tigi ti n hɛnɛ.”

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

1 Pita 3:12

Bawo Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na. Kɔnɔ ko-yogoma-kɛlɛnu, a ye wonu kan ma.”