Ɛsira 8:21 - ALLALA KUMƐ

²¹ Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Ɛsira 8:21 ပူးပေါင်းရင်းမြစ်များ

2 Ko-Kɔrɔta-Karan 20:3

Mansa Yɛhosafati kilanta ha a ya Mari matara ko a ni hɛnkili di a ma. A ya a fɔ ata nyamanita-mɔgɛ bɛɛ ye ko anu ni sunyɛ don.

2 Ko-Kɔrɔta-Karan 20:4

Mɔgɛnu nara Yerusalɛm ka bɔ Yuda nyamanɛ soe bɛɛ rɔ alako anu si hɛnkili sɔrɔn Mari bolo nya min.

Ɛsira 8:15

Nde, Ɛsira ya nyama kɛ kundɛn bɛ do fɛ min bi yigila Ahefa soe kɔma. Tele sawa, ma daga makɛnɛ nyɔ. Nyama wo rɔ, n ya saraka-masɔlɛnu yen kɔnɔ n ma Lifayinu yen.

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Nihɛmaya 9:1

Karɛ wo nyɛrɛ, a tele mogan-ni-nani nyɔgɛ ma, Isirɛla mɔgɛnu ya anu nadɛn ka sunyɛ don alako anu ni anuta yisi-lafinyɛ yira Mari la. Anu ya kasa-kurɛnu kɛ anu ma ka gbangban kɛ anu kunyɛ rɔ ka diyi-kɛ sɔnsɔn a la. Wo si a yira ko anu nimisanɛ. Wo wati ya a taran, anubɛ sibolo-gbɛrɛnu sa gbundu kelen tɔ tun. Anu bara anu fara wonuta gbundi la nun. Wo kɔma, anu ya anu sɔ anu hakɛ la anubɛ anu benbanu bara min tinya.

Ɛsita 4:16

“Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Yaburi 137:1

Ma sigira Babilɔn bɛnu dafɛ tumɛ min, ma hɛnkili wa tugu Yerusalɛm na tuma-wo-tuma, ma si diyi tɛgɛ a rɔ.

Yaburi 5:8

Mari, i ni telenbagaya-kilɛ yira n na ka a tɛgɛ n yogo-siyamɛla ko ma. I ni n dɛnbɛ alako n ni i sako kɛ.

Yaburi 5:9

Tonya-kuma-wo-kuma sa n yoge wonu da rɔ, fɔ kasarɛ gbansan! Fenfen sa anu da rɔ fɔ yanfanteya-kuma-teleka-telekɛnu. Anuna darɔ-diya-kumɛ wonu si mɔgɛnu natuntun lakira.

Yaburi 8:2

Hali dennɛnu, wonu bi i matɔgɔ-siginu sala. Ile ye kan min, i yogenu ti ke i yakɔrɔ-mamɔla nyɔ. Min ba a ma ko a ye a sɔla i la, i si wo kasara.

Hɛnkilimaya-Kumɛnu 3:6

I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Aiseya 58:5

A ko sun-donna-bɛrɛ si min ma, wo le kɛ la. A bɛnta, mɔgɛ ni nimisa nya min a sɔnla ko la, wo le kɛ la. A ko a ma di a ye wo ni to wo nyɛrɛ lakunbɛnna iko binyɛ. A ma di a ye, wo ni kasa-kurɛnu tasa ka gbangban don wo ma ka wo sa wonu kuma. A ko wo ara wonu denu ma wola sun-don-bole la. A ko wo le miri ko sun-don-bole le wo la, wa? A ko wo miri ko wo kɛ-nya si ale Mari hɛnɛ?

Yɛrɛmaya 10:23

Mari, n ya a lɔn ko hadama-dan-niyi kerifanɛ i la le. Mɔgɔ-wo-mɔgɔ sa a nyɛrɛ bolo.

Yɛrɛmaya 42:3

I ni madiyali kɛ ma ye alako Mari Alla ni ma munanfaga-kilɛ yira ma la.”

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Yowɛli 1:14

Wo ni ladɛn kɛ Bato-Bɔn la. Bɛɛ ni sunyɛ don. Wo ni Yuda mɔgɔ-banu anubɛ a mɔgɛ bɛɛ kundɛn. Anu damasi la ni dɛn mata Mari Alla Bato-Bɔn la, anu si di a dala kan min.

Saraka-Masɔlɛnuta Tɔnnu 16:29

“Karɛ wɔrɔnfilɛ wo tele tan nyɛrɛ ma, Isirɛla mɔgɛnu anubɛ anuna sundannu ni sunyɛ don ka anu sulen anu halala-wɔlɛ ma wo tele nyɛrɛ ma.

Saraka-Masɔlɛnuta Tɔnnu 16:31

Tele wo si ma anu sɛninya-tele la, anu dama si sunyɛ don ka anuna wɔlɛnu to nyɔ wulɔn tele kelan. Wo si tɔn kɛnu bira ka a fɔlɔ bi ma ha tumɛ min di Alla ye.

Saraka-Masɔlɛnuta Tɔnnu 23:29

Kɔnɔ Mari ko ni min ya fan dɔn wulɔn tele rɔ, wo mɔgɛ kana a miri tun ko Maritɛ le mɔgɛ wo la.

Yona 3:5

Ninɛfa mɔgɛnu lara Allata sarakanɛ la. Anu dama tora kan kelen tɔ. Anu ko mɔgɛ bɛɛ ni kasa-kurɛ kɛ anu kan ma ka a yira ko anu bara tubi. Bolo-kolon wo, fen-tigi wo, mɔgɛ bɛɛ ya sunyɛ don.

Yona 3:7

Mansɛ ya kumɛ kɛ fɔ Ninɛfa mɔgɛ bɛɛsi ye ko, “Mabɛ nna mɔgɔ-banuna tɔn le kɛ la ko, ‘Mɔgɔ wo, kolo-fen wo, anu fenfen kana fen dɔn ka anu min.

Yilan-Yilan Koe 14:3

Nfen ya a to, Mari ye ma kunyɛ telenna nyamanɛ wo la? Ma si ban fagala kɛlɛ rɔ. Anu si mala musinu anubɛ mala dannu bi ma bolo. A fisa, ma ni sɛgi ma kɔma Iyipiti.”

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

Kɛlɛ-Kurugbɛnu 20:26

Isirɛla mɔgɛnu dimatoe sɛgira Bɛtɛli soe burɔ tun. Anu telenta sunyɛ rɔ ha wurɛ la. Anu ya saraka-mintantɛnu anubɛ yisi-kima-sarakɛnu bɔ Mari ye wulɔn.

1 Samuwɛli 7:6

Isirɛla mɔgɛ bɛɛsi ladɛnta Misipa soe burɔ. Anu ya yi do layɛlɛ kɔlɔn rɔ ka wo labɔn dugi ma Mari ye nyɔ. Anu telenta sunyɛ rɔ gbɛn, ha wurɛ la. Anu ko, “Ma ara hakɛ kɛ Mari la.” (Samuwɛli mara nyamani-kuma-kun-tigi la Isirɛla mɔgɛnu kun na Misipa soe kɛ le burɔ.)