Ɛsira 8:15 - ALLALA KUMƐ

¹⁵ Nde, Ɛsira ya nyama kɛ kundɛn bɛ do fɛ min bi yigila Ahefa soe kɔma. Tele sawa, ma daga makɛnɛ nyɔ. Nyama wo rɔ, n ya saraka-masɔlɛnu yen kɔnɔ n ma Lifayinu yen.

Ɛsira 8:15 ပူးပေါင်းရင်းမြစ်များ

Ɛsira 7:24

Kɔnɔ wo ka fenfen makele saraka-masɔlɛ anubɛ Lifayi anubɛ Bato-Bon-sigi-salɛnu anubɛ Bato-Bon-makandannɛnu anubɛ Bato-Bonna-wɔli-kɛlɛnu na. Hali min kian donnɛ Bato-Bon-ko-wɔlɛ rɔ, wo kana fen bɔ dutiyɛ la.

Ɛsira 7:28

Ale Mari baraka le wara a ma, n bara diya mansɛ anubɛ a makawandilɛnu anubɛ ala mɔgɔ-ba-sɛnbɛlamɛnu na. Nta Mari Alla ara sɛnbɛ di n ma ka kuma Isirɛla bɔnsɔn kebila-kun-tigi-siyaman ye alako anu ni sɛgi n fɛ Yerusalɛm soe burɔ.”

Ɛsira 8:14

Yutayi anubɛ Sakara sɛgira ka bɔ Begifeyai bɔnsɔn rɔ. Mɔgɔ bi-wɔrɔnfila bɔra Begifeyai bɔnsɔn wo rɔ ka bila mɔgɔ filɛ kɛnu fɛ.

Ɛsira 8:16

N ya kilayɛ lata kun-tigi kɔnɔntɔ anubɛ karan-mɔgɔ fila ma ka anu kele. Kun-tigi wonu tɔgɛ le Ɛliyesa anubɛ Ariyɛli anubɛ Sɛmaya anubɛ Ɛlinetan anubɛ Yaribu anubɛ Ɛlinetan doi anubɛ Netan anubɛ Sakaraya anubɛ Mɛsulam. Anu karan-mɔgɛ wonu tɔgɛ le Yoyaribu anubɛ Ɛlinetan.

Ɛsira 8:2

Kɛrisɔn sɛgira ka bɔ Finihasi bɔnsɔn rɔ. Daniyɛli sɛgira ka bɔ Itamarayi bɔnsɔn rɔ.

Ɛsira 8:21

Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Yaburi 137:1

Ma sigira Babilɔn bɛnu dafɛ tumɛ min, ma hɛnkili wa tugu Yerusalɛm na tuma-wo-tuma, ma si diyi tɛgɛ a rɔ.

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Isikiyɛli 3:15

N tara fɔɔ Abibu kɔnkɔ-kuma so-burɔ-mɔgɔ-biranɛnu siginɛ kan min Kiba bɛ fɛ. Ka a tɛgɛ n bara min tayen ko-rayirɛ kɛ rɔ, tele wɔrɔnfila, n mankulan bɔnɛ n ma nyɔ kilan bolo.

Kɛwɔlɛnu 16:13

Sulen-Tele ma, ma bɔra soe ka ta madiyali-kɛ-tinɛ kan tinɛ do rɔ min bi bɛ dala. Ma ya a lɔn ko Yahudiyanu si anu nadɛn Alla matara tinɛ nyɔ le. Musi minnu nadɛnnɛ nyɔ, ma sigira ka kuma wonu ye.