Ɛsira 7:15 - ALLALA KUMƐ

¹⁵ Mabɛ nta mɔgɔ-banu bi sɛnɛ anubɛ wodi-gbɛ minnu bɔla ka a di Isirɛlata Alla ma, minta Bato-Bɔn ye Yerusalɛm, kɔni, a sɔgɛ ye ma la, i ni ta wonu na i bolo.

Ɛsira 7:15 ပူးပေါင်းရင်းမြစ်များ

1 Ko-Kɔrɔta-Karan 29:6

A bɔnsɔn-kun wo, a kebila-kun wo, a kɛlɛ-den-kun wo, a fen-makandanna wo, anu damasi sɔnta wo ma ka anu bole ladɛn.

2 Ko-Kɔrɔta-Karan 2:6

Yon si ke bɔn sɔla Alla ye? Hali san-kole kɛ kolo nya-wo-nya, nyɔ dɔgɔ ale ye. Ni n ya a Bato-Bɔn sɔ, kan tinɛ le wo la n si isɛnti mintan kan min Alla ye dɔrɔn.

2 Ko-Kɔrɔta-Karan 32:23

Mɔgɔ-siyaman nara kɔ-fannu na Mari ye anubɛ fen-kolomɛnu na Mansa Hɛsakaya ye Yerusalɛm soe burɔ. Ka a dabira wati wo ma, sibolo-gbɛrɛnu tora Mansa Hɛsakaya gbiliyala kosɛbɛ!

2 Ko-Kɔrɔta-Karan 6:2

Kɔnɔ n bara bon-nyimɛ sɔ i ye i si to kan min burubukai!”

2 Ko-Kɔrɔta-Karan 6:6

Kɔnɔ kaka, a ara Yerusalɛm soe yabɔ, wo si a bato kan min. Wo kɔma, a ya n fa Mansa Dawuda yabɔ ka a sigi mansayɛ la ata mɔgɛnu kun na.”

Ɛsira 1:6

Anu sigi-nyɔgɛ damasi ya anu magben ka fen-siyaman di anu ma, sɛnɛ wo, wodi-gbɛ-miran wo, anu beli-fen wo, dunu-bi-sogo wo, fen-kolomɛ donu wo, anubɛ anu bi tala kɔ-fan minnu na Bato-Bɔn la.

Ɛsira 6:12

Alla min ya Yerusalɛm kɛ yabɔ a bato-tinayɛ la, min ba a fɔ ko a ye bato tinɛ wo tinyana ka n kuman-kan lafɛya, alamɛ Alla ya wo wara-koe layigi, a mansa wo, a sibolo wo. Nde, Mansa Dariyasi kan le kɛ la, ado wo ni a bira gben!”

Ɛsira 6:4

Anu bi a bon-dandan sɔla nya min, wo le kɛ la. Anu ba kuri gbaranda sawa sigi anu nyɔgɔn sun na, a nani nyɔgɛ ni ma kɔlɔma la. Pasiya nyamanita wodi le ye Bato-Bɔn wo ko-nya bɛɛ sarala.

Ɛsira 7:14

Malebɛ nna mɔgɔ-ba wɔrɔnfilɛ le wara ile Ɛsira boloka ka ta Yuda nyamanɛ anubɛ Yerusalɛm soe lakɔrɔsi. A sɔgɛ ye ma la ka a lɔn, ni anu bi ita Allata tɔn birala a kila-bɛrɛbɛrɛ fɛ, ado ile ya tɔn wonu lɔn kosɛbɛ!

Yaburi 135:21

Wole Yerusalɛm kɛnu, wo ni Mari matɔgɔ a warɛ nyɔ. Bɛɛ ni Mari tanto!

Yaburi 26:8

E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Yaburi 76:11

Ni i ya min di-koe fɔ ita Mari Alla ma, i ni wo di a ma. Wole sibolo-gbɛrɛ minnu gbɛrɛnnɛ Isirɛla ma, wo ni na kɔ-fannu na a ye. Alla ye a mala, mɔgɛ bɛɛ ye kilanna a la.

Yaburi 76:2

Bɔn ye a bolo Yerusalɛm soe burɔ. A si a mayigi ala kɔnkɔ-sɛnimɛ kuma nyɔ le.

Yaburi 9:11

Mata Mari min bi mansayɛ kɛla Yerusalɛm ata kɔnkɔ-sɛnimɛ kuma, ma ni a tanto-bɛtinu bɔ. A ara koe minnu ma, ma ni wo fɔ sibole bɛɛ ye duninya rɔ.