Ɛsira 6:22 - ALLALA KUMƐ

²² Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.

Ɛsira 6:22 ပူးပေါင်းရင်းမြစ်များ

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Ko-Kɔrɔta-Karan 23:18

Saraka-Masɔla Yɛhoyada ya a ma, Lifayi bɔnsɔn-mɔgɛnu anubɛ saraka-masɔlɛnu tora Mari Bato-Bon-wɔlɛ kun na. Wonu tora wɔlila Bato-Bɔn burɔ iko Mansa Dawuda ara wɔlɛ tala anu na nya min nun. Anu tora sarakɛnu mintanna Mari ye iko Nɛbi Musa ya Marita tɔnnu fɔ anu ye nya min nun. Anu bi sigi-sɛ anubɛ ladɛn kun na fanan.

2 Ko-Kɔrɔta-Karan 29:30

Mansa Hɛsakaya anubɛ ala mɔgɔ-banu ya a fɔ Lifayinu ye ko anu ni Mari-tanto-bɛtinu bɔ Mansa Dawuda anubɛ Nɛbi Esafi ara minnu sɛbɛ nun. Woletɔ mɔgɛ bɛɛ ya sigi sa sewɛ la.

2 Ko-Kɔrɔta-Karan 30:21

Tele wɔrɔnfila dɛgɛdɛgɛ, mɔgɛ minnu nadɛnta Yerusalɛm soe burɔ, wonu ya Biredi-Yɛlɛbɛlɛ-Dɔn-Ladɛn kɛ sewɛ la. Tele-wo-tele, Lifayinu anubɛ saraka-masɔlɛnu ya Mari tanto anu sɛbɛ-kuna-wɛ la.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

2 Ko-Kɔrɔta-Karan 35:17

Isirɛla mɔgɛ minnu bɛɛsi nara Yerusalɛm soe burɔ, wonu ya Kanan-Koe anubɛ Biredi-Yɛlɛbɛlɛ-Dɔn-Ladɛn kɛ tele wɔrɔnfila kɔrɔ dɛgɛdɛgɛ!

Ɛsira 1:1

Pasiya Mansa Sairasila mansayɛ san fɔlɔtɛ ma, Mari ya min fɔ Nɛbi Yɛrɛmaya ye, wo bɔra-a-la. Mari ya a ma, Mansa Sairasi ya sereya do sɛbɛ min si karan ala nyamanɛ kan tinɛ bɛɛ rɔ.

Ɛsira 6:1

Woletɔ Mansa Dariyasi ya a fɔ ko anu ni ko-kɔrɔta-karan-buku wonu tafɛlɛn minnu namaranɛ anu bolo Babilɔn nyamanɛ rɔ.

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Nihɛmaya 13:6

Kɔnɔ koe kɛ ye mala tumɛ min, nde, Nihɛmaya sa Yerusalɛm soe burɔ nun. Babilɔn Mansa Atasakasila mansayɛ san bi-sawa ani san fila nyɔgɛ ma, n tara n dantɛgɛ a ma. Wati tenbinɛ, a sɔnta

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Isikiyɛli 23:23

Babilɔn kɛnu anubɛ Kaladiya kɛ minnu bɔra Pikɔdi wo, Sowa wo, anubɛ Kowa, anubɛ Asiriyanu, n si anu damasi ladɛn ila minɛ rɔ. Anu dama kɛlɛ-den-kunyɛnu anubɛ mɔgɔ-banu anubɛ so-laburila-kunyɛ minnu fonike, ado anu mafɛlɛn di.

Matiyu 26:17

Biredi-Yɛlɛbɛlɛ-Dɔn-Ladɛn tele fɔlɔtɛ ma, Yisala karan-dannu nara a wara ka a manyinika ko, “I ye a fɛ, ma ni Kanan-Ko-Ladiyɛ ladan i ye mi?”

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”