Ɛsira 6:16 - ALLALA KUMƐ

¹⁶ Wo kɔma, Isirɛla mɔgɛ bɛɛ, a mara a saraka-masɔla la wo, a Lifayi wo, anubɛ a mɔgɔ-birani-kɔrɔ-toe minnu sɛgira Yerusalɛm, wonu ya Bato-Bɔn dantɛgɛ sewɛ rɔ.

Ɛsira 6:16 ပူးပေါင်းရင်းမြစ်များ

1 Mansɛnu 8:62

Wo kɔma, Mansa Silamɛni anubɛ ala nyamanita-mɔgɛnu ya sarakɛnu bɔ Mari ye.

1 Mansɛnu 8:63

Mansa Silamɛni ya ninki waga mogan-ni-fila (22,000) anubɛ saga waga kɛmɛ kelen ani saga waga mogan (120,000) ma yisi-kima-sarakɛnu na. Mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

1 Ko-Kɔrɔta-Karan 9:2

Mɔgɔ fɔlɔtɛ minnu fɔlɔn sɛgira anu halala-dugi anubɛ anuna soenu tɔ, wo le saraka-masɔlɛnu anubɛ Lifayinu anubɛ Bato-Bon-wɔli-kɛlɛ donu anubɛ Isirɛla mɔgɛ donu.

2 Ko-Kɔrɔta-Karan 29:30

Mansa Hɛsakaya anubɛ ala mɔgɔ-banu ya a fɔ Lifayinu ye ko anu ni Mari-tanto-bɛtinu bɔ Mansa Dawuda anubɛ Nɛbi Esafi ara minnu sɛbɛ nun. Woletɔ mɔgɛ bɛɛ ya sigi sa sewɛ la.

2 Ko-Kɔrɔta-Karan 30:23

anu damasi ya a latɛgɛ ko anu ni a nyɔgɔ tele wɔrɔnfila sa ladɛn wo kuma. Anu sewara kosɛbɛ!

2 Ko-Kɔrɔta-Karan 30:26

Yerusalɛm soe lafara sewɛ la bawo ka a bi Mansa Silamɛnita wati ma ha ka a sigi kaka la, kɛ-nyɔgɔn-ladɛn ma kɛ wɛ.

2 Ko-Kɔrɔta-Karan 7:5

Mansa Silamɛni ya ninki waga mogan-ni-fila (22,000) ma sarakɛ la. Wo kɔma, a ya saga waga kɛmɛ ani saga waga mogan (120,000) ma yisi-kima-sarakɛ la fanan. Ale mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

Ɛsira 4:1

Yuda bɔnsɔn anubɛ Bɛnyamɛ bɔnsɔn yogenu ya a lamɔɛn ko mɔgɔ-birani-kɔrɛnu bi Isirɛlata Mari Alla Bato-Bon-sɔɛ kun na tumɛ min,

Ɛsira 6:22

Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Nihɛmaya 12:43

Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Nihɛmaya 7:73

A saraka-masɔla wo, a Lifayi wo, a Bato Bon makandanna wo, a sigi-sala wo, a Bato-Bonna-wɔlila wo, a mɔgɔ-gbɛrɛ wo, a Isirɛla mɔgɛ toenu wo, a bɛɛ tara ata so rɔ Yuda nyamanɛ rɔ.

Nihɛmaya 8:10

Bɛɛ ni ta a wara ka fen dɔn. Ni minta dɔn-fan anubɛ minni-fan ma a bɔ a bolo, wo ni wonu kele. Tele-sɛnimɛ le kɛ la wota Mari Alla bolo bi. Funun-tele ma bi la. Mari ye sewɛ min dila wo ma, wo si a ma, wo ni to fanka rɔ.”

Yaburi 122:1

Anu bara a fɔ n ye tumɛ min ko ma ni ta Mari Bato-Bɔn la, ma sewara ma nyɔgɔn fɛ,

Daniyɛli 5:13

Ale Daniyɛli nanɛ, anu tara a la mansɛ wara. Mansɛ ya a manyinika ko, “Daniyɛli le ile la? N fa tara mɔgɛ minnu bira Yuda nyamanɛ rɔ, wo do le ile la, wa?” Daniyɛli ko, “Mansɛ, tonyɛ le wo la.”

Yɔni 10:22

Alla-Bato-Bɔn dantɛgɛ-tumɛ ma, wo ladiyɛ kɛra Yerusalɛm dafere-kima-wati le ma nun.

Tɔn-Fɔɛ-Fila-Nyɔgɛ 12:7

wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!