Ɛsira 5:2 - ALLALA KUMƐ

² Silatiyɛlila den Sarababulu anubɛ Yɛhosadakila den Yasowa ya anuna kumɛ lamɔɛn tumɛ min, anu donta Bato-Bon-sɔɛ rɔ tun. Nɛbi mɔgɔ filɛ wonu fanan tugunta anu na wɔlɛ wo rɔ.

Ɛsira 5:2 ပူးပေါင်းရင်းမြစ်များ

Ɛsira 1:8

Ale mansɛ ya wonu don Mitirɛdati bolo min si fen-namara-kɛ a ye. Wo ya wonu dan ka anu don Sɛsabasa bolo min bi kun-tigiyɛ la Yuda nyamanɛ rɔ.

Ɛsira 10:18

Sibolo-gbɛrɛkɛ-musi ye saraka-masɔlɛ minnu bolo, wonu tɔgɛ le kɛnu na. Yɛhosadakila den Saraka-Masɔla Yɛsuwa wo, anubɛ a na-kelen-nyɔgɔ mɔgɔ nanɛ, Meyaseya anubɛ Ɛliyesa anubɛ Yaribu anubɛ Kɛdalaya.

Ɛsira 3:2

Yɛhosadakila den Yasowa wo, a ta-nyɔgɔ-saraka-masɔlɛnu wo, Siyatiyɛlila den Sarababulu wo, Sarababulu na-kelen-nyɔgɛnu wo, wonu ya Isirɛlata Allata saraka-mintan-tinɛ ladan. Anu ya wo ladan alako anu ni ke saraka mintanna a kuma iko Allata mɔgɛ Nɛbi Musa ya a sɛbɛ tɔn-buku rɔ nya min nun.

Ɛsira 3:8

Isirɛla mɔgɛnu ke Yerusalɛm wo san kelen karɛ kelen tenbinɛ, a karɛ fila nyɔgɛ ma, anu ya Bato-Bon-sɔɛ dabira. Silatiyɛlila den Sarababulu wo, Yɛhosadakila den Yasowa wo, saraka-masɔlɛnu wo, Lifayinu wo, anubɛ mɔgɔ-birani-kɔrɔ-toe minnu nara Yerusalɛm soe burɔ, anu dama ya wɔlɛ dabira. Lifayi kei min bɛɛsi sɔrɔn ara ke san mogan rɔ ka tenbi wo la, anu ya wonu ma Mari Bato-Bon-kumafɛlɛnnɛnu na.

Ɛsira 6:14

Yahudiya mɔgɔ-banu tora tala yarɔ Bato-Bɔn sɔ tinɛ. Nɛbi Hegayi anubɛ Sakaraya tora anu yisi-kima-kumɛ fɔla. Anu ya Bato-Bon-wɔlɛ wo kundon iko Isirɛlata Alla anubɛ Pasiya mansa kɛnu ya a fɔ anu ye nya min, Mansa Sairasi wo, Mansa Dariyasi wo, anubɛ Mansa Atasakasi.

Hegayi 2:18

Wo ara ban Marita Bato-Bɔn kurunna bi. Ka a dabira bi karɛ kɔnɔntɛ tele mogan-ni-nanɛ kɛ ma, wo si a dan-nafarɛ yen. Wo ni wo miri bi tele ma.

Sakaraya 4:14

A ko, “Mɔgɔ filɛ le kɛnu na duninya-mumɛ-tigi Mari ara minnu yabɔ ka ma ala wɔli-kɛlɛnu na.”

Sakaraya 4:4

Wo kɔma, n ya ale melika manyinika, n ko, “N fa, kɛ wo kɔrɛ ye nfenna?”

Sakaraya 6:11

Anu ya sɛnɛ anubɛ wodi-gbɛ minnu ma kɔ-fan la, a ko n ni wonu nadan mansaya-fulɛ la. N ni ta wo don Saraka-Masɔla-Kun-Tigi-Wɛ Yasowa kunyɛ la, Yɛhosadakila dan, kɔni.

Sakaraya 8:9

Mari Sɛnbɛ-Bɛɛ-Tigi ko wa wo kerinteya. Nɛbinu ya kumɛ minnu fɔ Bato-Bɔn kurukɛ wati rɔ nun a kurɛ la, wo ye kuma kelan wo le lamɔɛnna kaka.

2 Kɔrɛnti 1:24

Male sa kun-tigiyɛ kɛla ka a fɔ wo ye wo si dɛnkɛninya min ma! Ma ye wɔlila ma nyɔgɔn fɛ wo nyɛrɛta sewɛla ko la bawo ma ya a lɔn ko wo sɔnɛ dɛnkɛninyɛ rɔ yiri!