Ɛsira 5:14 - ALLALA KUMƐ

¹⁴ Anu ko Mansa Nɛbukanasa wo ya sɛnɛ anubɛ wodi-gbɛ-miran minnu bi Bato-Bɔn wo la Yerusalɛm soe burɔ ka ta anu na ata bɛsi-kɔ-tinɛ Babilɔn, Mansa Sairasi ya wonu denu nasɛgi anu ma. Anu ko Mansa Sairasi ya miran wonu don kei do bolo min tɔgɛ Sɛsabasa, a ya min ma kun-tigi la Yuda nyamanɛ rɔ.

Ɛsira 5:14 ပူးပေါင်းရင်းမြစ်များ

2 Ko-Kɔrɔta-Karan 36:18

Babilɔn mansɛ wo tara Bato-Bɔn fen-kolomɛ bɛɛ la a bolo a warɛ pon! Hali Yuda mansɛ anubɛ ala mɔgɔ-banuna bolo-fannu, a tara wo damasi la.

2 Ko-Kɔrɔta-Karan 36:7

Mansa Nɛbukanasa tara fen-kolomɛ donu bi Mari Bato-Bɔn la ka wonu nadon ala bolɔn la Babilɔn.

Ɛsira 5:15

Anu ko mansɛ ya a fɔ ale Sɛsabasa ye ko a ni sɛgi miran wonu na Yerusalɛm soe burɔ. Wo kɔma, a ko anu ni Bato-Bɔn sɔ a gba-kɔrɛ rɔ tun.

Ɛsira 5:16

Anu ko woletɔ Sɛsabasa nara Bato-Bɔn kurukɛ. Ka a bi wulɔn ma ha kaka, anu bi Bato-Bon-sɔ-ko-wɔlɛ la kɔnɔ a ma ban bɛ.

Ɛsira 6:5

Min sanɛ wo kuma, Mansa Nɛbukanasa nara sɛnɛ anubɛ wodi-gbɛ-miran minnu na ka bɔ Bato-Bɔn la Yerusalɛm kɔrɔma la, wo bɛɛ ni sɛgi anu gba-kɔrɛ rɔ Alla Bato-Bɔn wo la.”

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Yɛrɛmaya 52:19

Miran minnu nadannɛ sɛnɛ anubɛ wodi-gbɛ la, a yi-kɛ-fen wo, a ta-kɔ-miran wo, a yele-purupuru-miran wo, a bugura-makɔ-fen wo, a lɛnpu-sigi-fen wo, a isɛnti-mintan-fen wo, a yi-lafɛnu, anu tara wonu fanan na.

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 1:14

Mari ya nyamani-tigi anubɛ saraka-masɔla-kun-tigi-wɛ anubɛ Isirɛla mɔgɛ toe bɛɛ lakerinteya a Bato-Bon-wɔlɛ ma. Dariyasila mansayɛ san fila, a karɛ wɔrɛ, tele mogan-ni-nanɛ ma, Isirɛla mɔgɛnu ya anuta Mari Alla Sɛnbɛ-Bɛɛ-Tigita Bato-Bon-sɔɛ dabira wulɔn.

Hegayi 2:2

a ni a fɔ Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ bɛɛsi ye ko,

Hegayi 2:21

“A fɔ Yuda Nyamani-Tigi Sarababulu ye ko n si san-kole anubɛ dugu-kole layɛrɛyɛrɛn!

Kɛwɔlɛnu 13:12

Min kɛra wo la, sigisɔn-mansɛ ya wo yen tumɛ min, a dɛnkɛninyara. A kawara Marila karan ma bɛrɛkɛ!