Ɛsira 5:11 - ALLALA KUMƐ

^11-12 “Anu ya a fɔ ma ye ko Alla min bi san-kole anubɛ dugu-kole kuma ko wota wɔli-kɛlɛ le anu denu na. Anu ko anu benbanu ya San-Kole-Alla ladiminya min kɛ, wo le ya a ma, Alla ya anu kunyɛ don Babilɔn Mansa Nɛbukanasa bolo, Kaladiya kɛ, kɔni. Anu ko Nɛbukanasa le ya anuta Bato-Bɔn tinya, anuta mansa-makawanɛ do ya min sɔ kɔrɔma la nun. Wo kɔma, a tara anu denu na Babilɔn nyamanɛ rɔ. Anu ko anu bi San-Kole-Alla wo leta Bato-Bɔn sɔla tun.

Ɛsira 5:11 ပူးပေါင်းရင်းမြစ်များ

Ko-Dabirɛnu 24:3

ka i keli n ye Mari Alla yala min ya san-kole anubɛ dugu-kole dan, ni i si na Kenan dunmusi do nyini nna dan ye ma siginɛ minnu tɛma yan kaka.

1 Mansɛnu 9:10

Mansa Silamɛni ya san mogan de bɔ Mari Bato-Bɔn anubɛ a nyɛrɛta bolɔn sɔ tinɛ. A ya so-kun mogan di Taya Mansa Hairam ma Kalili nyamanɛ rɔ kamasɔrɔn ale ya Mansa Silamɛni madɛnbɛ fɛrannu anubɛ sɛnɛ do la Mari Bato-Bɔn sɔ-koe rɔ.

Ɛsira 5:10

Ma ya anu tɔgɛ manyinika ka anu sɛbɛ alako i ni a lɔn min bi anu kun na.

Yaburi 119:46

N si ita tɔnnu wara-koe fɔ mansɛnu ye, ado n ti miliya mumɛ!

Yaburi 136:26

Ma ni baraka bira Alla ye, Arinyɛnɛ Mansɛ, kɔni. Ala keninteyɛ dan sa.

Daniyɛli 3:26

Ale mansɛ wo nyɛrɛ-nyɛrɛ tara sulubondɔn wo don-dɛ la. A ya a kuli mayɛlɛ ka kemini-mɔgɔ sawɛ wonu takele. A ko, “Sadiraki! Mɛsaki! Abɛdinigɔ! Alla Min Bi Fan Bɛɛ Kun Na, wole, a batolɛnu, wo bɔ tɛ rɔ. Wo ni na yan.” Mɔgɔ sawɛ wonu bɔra tɛ rɔ.

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

Matiyu 10:32

“Mɔgɔ-wo-mɔgɔ wa a sɔn a la gbɛ rɔ ko ntɛ le ale la, n si wo nyɔgɔn ma n Fa Alla yakɔrɔ min bi Arinyɛni tɔ.

Luka 12:8

“N bi tonyɛ fɔla wo ye, min ba a sɔn a la gbɛ rɔ ko ntɛ le ale la, nde, Hadama-dan si wo nyɔgɔn ma ale fanan ye Allala melikanu yala.

Kɛwɔlɛnu 27:23

N bi Alla min bolo, n bi wo le batola. Wola melika nara n bara su-tenbinɛ.

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 6:16

Ado nfan, wole ya a lɔn ko wo wa wo nyɛrɛ lasɔnnaya iko yɔɔn ka mɔgɛ dola kumɛ bira, wo ara ma yɔɔn la kun-tigi wo ye. Ni wo tora hakɛ kɛla, wo si ma yɔɔn la hakɛ kɔrɔ, min si a laban sayɛ ma, ni wo ma, wo si ma Allala yɔɔn la ala kuma-birɛla ko la, min si a laban ko-latelennɛ ma Alla ye.

Kalesiya 6:14

Kɔnɔ nde si n kɔgɔ raka ma Mari Yisa, Allata-Mɔgɔ-Yabɔnɛ faga-kɔlɔma dɔrɔn dela ko la. Ka a tɛgɛ ata fagɛ kɔlɔma ma, nde faganɛ duninya rɔ, duninya fanan faganɛ nde rɔ.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”