Ɛsira 5:1 - ALLALA KUMƐ

¹ Mansa Dariyasita san fila nyɔgɛ kɛ ma, nɛbi mɔgɔ fila donta wɔlɔyiya-kuma-fɔɛ rɔ Isirɛlata Alla tɔgɛ rɔ. Anu tɔgɛ le Hegayi anubɛ Idɔla den Sakaraya. Anu tora kumala Yahudiyanuna ko rɔ minnu siginɛ Yuda nyamanɛ anubɛ Yerusalɛm soe burɔ.

Ɛsira 5:1 ပူးပေါင်းရင်းမြစ်များ

Ɛsira 4:24

Bato-Bon-sɔɛ danta Yerusalɛm soe burɔ tumɛ min, anu ma wɔli-wo-wɔli kɛ ha Dariyasita mansayɛ san fila nyɔgɛ ma Pasiya nyamanɛ rɔ.

Ɛsira 6:14

Yahudiya mɔgɔ-banu tora tala yarɔ Bato-Bɔn sɔ tinɛ. Nɛbi Hegayi anubɛ Sakaraya tora anu yisi-kima-kumɛ fɔla. Anu ya Bato-Bon-wɔlɛ wo kundon iko Isirɛlata Alla anubɛ Pasiya mansa kɛnu ya a fɔ anu ye nya min, Mansa Sairasi wo, Mansa Dariyasi wo, anubɛ Mansa Atasakasi.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 1:3

Mari kuman-kan le kɛ la Nɛbi Hegayi ye ka a fɔ Isirɛla mɔgɛnu ye, a ko,

Hegayi 2:18

Wo ara ban Marita Bato-Bɔn kurunna bi. Ka a dabira bi karɛ kɔnɔntɛ tele mogan-ni-nanɛ kɛ ma, wo si a dan-nafarɛ yen. Wo ni wo miri bi tele ma.

Sakaraya 8:9

Mari Sɛnbɛ-Bɛɛ-Tigi ko wa wo kerinteya. Nɛbinu ya kumɛ minnu fɔ Bato-Bɔn kurukɛ wati rɔ nun a kurɛ la, wo ye kuma kelan wo le lamɔɛnna kaka.